برطانوی ہائی کمیشن نے پاکستان میں سیلاب سے ہونے والی تباہ کاریوں کی بحالی کے لیے ایک کروڑ پاؤنڈز کی منظوری دے دی۔
برطانوی ہائی کمیشن نے کہاکہ سیلابی نقصانات کے ازالے کے لیے ہمیشہ معاونت کی۔
یہ بھی پڑھیں پنجاب: سیلاب متاثرین میں اضافہ، امدادی سرگرمیاں تیز، مزید 6 ہزار افراد کا انخلا
برطانوی ہائی کمیشن کے مطابق رواں برس مون سون سیزن کے دوران شدید بارشوں سے پاکستان میں 350 افراد جاں بحق اور 650 سے زیادہ زخمی ہوئے۔
ہائی کمیشن نے بتایا کہ شدید بارشوں اور سیلابی صورتحال کے باعث مختلف علاقوں میں 78 ہزار سے زیادہ گھر تباہ ہوئے، برطانوی حکومت کی امداد سیلاب سے شدید متاثرہ 13 اضلاع کے افراد کی معاونت کرے گی۔
برطانوی ہائی کمشنر جین میرٹ نے کہاکہ مون سون کا اختتام ہو چکا مگر بحالی کا آغاز اب ہوا ہے۔
یہ بھی پڑھیں حدیقہ کیانی سیلاب متاثرین کے لیے 100گھر تعمیر کرنے میں کامیاب
انہوں نے کہاکہ سیلاب نے اس سال پھر پاکستان میں تباہی مچائی اور قیمتی جانوں کا ضیاع ہوا، برطانوی ہائی کمیشن متاثرہ خاندانوں کے لیے فوری بحالی کے اقدامات اٹھا رہا ہے۔
