ایک اور ستارہ ڈوب گیا، لیجنڈری اداکار عابد کاشمیری دارفانی سے کوچ کرگئے

پاکستان کے لیجنڈری اداکار عابد کاشمیری 74 سال کی عمر میں مختصر بیماری کے بعد انتقال کرگئے ہیں۔

عابد کاشمیری کچھ عرصہ سے بیمار تھے اور ایک ہفتہ قبل لندن سے واپس آئے تھے، جو اب دار فانی سے کوچ کرگئے ہیں، مرحوم نے اپنے پسماندگان میں 2 بیٹے اور 2 بیٹیاں چھوڑی ہیں۔

یہ بھی پڑھیں: پاکستان کے معروف فلم ساز الطاف حسین انتقال کر گئے

عابد کاشمیری 4 مئی 1950 کو لاہور میں پیدا ہوئے، انہوں نے سیکڑوں ٹی وی ڈراموں، اسٹیج ڈراموں اور فلموں میں کام کیا، وہ اپنی مزاحیہ اداکاری کے باعث شائقین کے دلوں پر راج کرتے تھے۔

1988 میں انہیں فلم ’بازار حسن‘ پر بہترین مزاحیہ اداکار کے لیے نگار ایوارڈ دیا گیا۔

یہ بھی پڑھیں: محبتوں کے شاعر امجد اسلام امجد ہمیں چھوڑ گئے

لیجنڈری اداکار عابد کاشمیری کے نماز جنازہ کل ان کے بیٹے اداکار کاشف کاشمیری کے پاکستان پہنچنے کے بعد ادا کی جائے گی۔

وزیراعلیٰ پنجاب کا اظہار تعزیت

یہ بھی پڑھیں: اداکارہ شگفتہ اعجاز کے شوہر طویل علالت کے بعد انتقال کرگئے

وزیر اعلیٰ پنجاب مریم نواز نے نامور اداکار عابد کاشمیری کے انتقال پر اظہار افسوس کرتے ہوئے سوگوار خاندان سے اظہار ہمدردی کیا ہے اور مرحوم کے درجات کی بلندی کے لیے دعا بھی کی ہے۔