انٹرنیشنل خواتین ٹی20 ورلڈ کپ کے میچ میں آسٹریلیا نے پاکستان کو 9 وکٹوں سے عبرتناک شکست دے دی۔
دبئی میں کھیلے گئے میچ میں پاکستانی ٹیم نے پہلے بیٹنگ کرتے ہوئے 82 رنز بنائے اور جواب میں آسٹریلیا نے ہدف 10.5 اوورز میں ایک وکٹ کے نقصان پر حاصل کرلیا۔
Australia claim a nine-wicket win in Dubai.#PAKWvAUSW | #T20WorldCup | #BackOurGirls pic.twitter.com/YqosMHjCye
— Pakistan Cricket (@TheRealPCB) October 11, 2024
قومی خواتین ٹیم تمام شعبوں میں ناکام رہی، پہلے بیٹنگ کرتے ہوئے عالیہ ریاض 26 رنز بنا کر نمایاں بیٹر رہیں، اس کے علاوہ ارم جاوید اور سدرہ امین نے 12،12 رنز اسکور کیے۔
پاکستان کی جانب سے ندا ڈار 10، منیبہ علی 7، صدف شمس، عمائمہ سہیل اور توبہ حسن نے 3،3 رنز اسکور کیے۔ جبکہ آسٹریلین بولر ایشلی گارڈنر نے 4 کھلاڑیوں کو پویلین کی راہ دکھائی۔
واضح رہے کہ پاکستانی ٹیم نے اب تک ایونٹ میں ایک میچ میں کامیابی حاصل کی ہے۔ جبکہ آسٹریلیا نے تیسرا میچ جیت کر سیمی فائنل کے لیے رسائی پکی کرلی ہے۔
