آسٹریلیا کے نیشنل سلیکشن پینل نے پاکستان کے خلاف ون ڈے کرکٹ سیریز کے لیے اسکواڈ کا اعلان کردیا ہے۔
پاکستان کرکٹ ٹیم اگلے ماہ آسٹریلیا کا دورہ کرے گی، دونوں ٹیموں کے درمیان 3 ون ڈے میچز کی سیریز کھیلی جائے گی۔ آسٹریلیا کی قیادت پیٹ کمنز کریں گے۔
یہ بھی پڑھیں: آسٹریلیا نے پاکستان کے خلاف سیریز کا شیڈول جاری کردیا
آسٹریلین اسکواڈ
آسٹریلین اسکواڈ میں شامل دیگر کھلاڑیوں میں شین ایبٹ، کوپر کنولی، جیک فریزر مکگرک، ایرون ہارڈی، جوش ہیزل ووڈ، جوش انگلس، مارنوس لابوشین اور گلین میکسویل، اسٹیو اسمتھ، میچل اسٹارک، میتھیو شارٹ، مارکوس اسٹوئنس اور ایڈم زمپا شامل ہیں۔
آسٹریلین سلیکشن پینل کے سربراہ جارج بیلے کا کہنا ہے کہ چیمپیئنز ٹرافی سے قبل یہ آسٹریلیا کی آخری ون ڈے سیریز ہے، اسکواڈ میں توازن برقرار رکھنے کی کوشش کی ہے، یہ سیریز فروری میں پاکستان میں ہونے والی چیمپئینز ٹرافی کے لیے اپنے اسکواڈ کے تجربے کو بڑھانے کا موقع ثابت ہوگی۔
یہ بھی پڑھیں: آسٹریلیا نے انگلینڈ کو آخری میچ میں شکست دے کر ون ڈے سیریز اپنے نام کر لی
پاکستان اور آسٹریلیا کے مابین ون ڈے میچز 4، 8 اور 10 نومبر کو کھیلے جائیں گے۔ پاکستان کے خلاف 3 ٹی20 میچز کے لیے آسٹریلوی اسکواڈ کا اعلان بعد میں کیا جائے گا۔
