ڈرامہ نگار خلیل الرحمان قمر ہنی ٹریپ اور اغوا برائے تاوان کیس میں لاہور کی انسدادِ دہشت گردی عدالت نے ملزمہ آمنہ عروج سمیت 11 شریک ملزمان کے جوڈیشل ریمانڈ میں 14 روز کی توسیع کردی ہے۔
لاہور انسدادِ دہشت گردی عدالت کے جج عرفان حیدر نے سماعت کی جوڈیشل ریمانڈ ختم ہونے پر حسن شاہ سمیت دیگر ملزمان جیل سے عدالت میں پیش کیا گیا، پولیس نے ملزمان کے جوڈیشل ریمانڈ میں توسیع کی استدعا کی تھی۔
یہ بھی پڑھیں: خلیل الرحمان قمر ہنی ٹریپ کیس میں نئی پیشرفت، آمنہ عروج کی میڈیکل رپورٹ کیا کہتی ہے؟
ملزمان میں حسن شاہ، تنویر احمد، قیصرعباس، رشید احمد، فلک شیر، میاں خان، یاسر علی، جاوید اقبال، ذیشان قیوم اور ممنون حیدر شامل ہیں۔
تفتیشی افسر نے عدالت سے حتمی چالان جمع کرانے میں مہلت طلب کرتے ہوئے کہا کہ ملزمان کے خلاف مقدمہ کا چالان تیاری کے مراحل میں ہے، جلد عدالت میں پیش کر دیا جائےگا۔
مزید پڑھیں: خلیل الرحمان قمر کو ہنی ٹریپ کرنے والی خاتون آمنہ عروج کون ہے؟
ملزمان نے ڈرامہ نگار خلیل الرحمٰن قمر کے اے ٹی ایم سے 2 لاکھ 87 ہزار نکلوانے ملزمان نے خلیل الرحمٰن قمر سے ایک کروڑ تاوان کا مطالبہ کیا تھا۔
حسن شاہ سمیت دیگر آمنہ عروج کے شریک جرم ساتھی ہیں، عدالت نے ملزمان کو 28 اکتوبر کو دوبارہ پیش کرنے کا حکم دیا ہے۔
