سعودی ولی عہد شہزادہ محمد بن سلمان خلیج تعاون کونسل اور یورپی یونین کے آئندہ سربراہی اجلاس میں سعودی عرب کے وفد کی قیادت کریں گے، مذکورہ مشترکہ اجلاس بدھ سے برسلز میں شروع ہورہا ہے۔
Upon the directives of the Custodian of the Two Holy Mosques King Salman, Crown Prince Mohammed bin Salman will head the #Saudi delegation at the upcoming Gulf-European summit, set to be held on Wednesday in Brussels pic.twitter.com/c0yzafIYo0
— Saudi Gazette (@Saudi_Gazette) October 15, 2024
سعودی پریس ایجنسی کی خبر کے مطابق، سعودی ولی عہد شہزادہ محمد بن سلمان کی خلیج تعاون کونسل اور یورپی یونین کے آئندہ سربراہی اجلاس میں سعودی وفد کی قیادت کا فیصلہ شاہ سلمان کی ہدایت پر کیا گیا ہے۔
یہ بھی پڑھیں: سعودی عرب کا فلسطینی عوام کے لیے امداد کا اعلان
یورپی یونین کے سینئر حکام نے گزشتہ روز ریاض میں ایک بریفنگ کا انعقاد کیا تاکہ 16 اکتوبر کو برسلز میں ہونے والی خلیج تعاون کونسل اور یورپی یونین کے آئندہ سربراہی اجلاس کے بامقصد ایجنڈے پر تبادلہ خیال کیا جاسکے۔
خلیج تعاون کونسل یعنی جی سی سی اور یورپی یونین یعنی ای یو کے رہنما سربراہی اجلاس کے دوران علاقائی استحکام، تجارت اور عوام کے درمیان تعاون پر بات چیت کریں گے۔
