لبنان کی مزاحمتی تنظیم حزب اللہ نے جنوبی لبنان میں حملہ آور 2 جدید ترین اسرائیلی ’مرکاوا‘ ٹینکوں کو تباہ کرنے کا دعویٰ کیا ہے۔
حزب اللہ کی جانب سے آج صبح سوشل میڈیا پر ایک ویڈیو شیئر کی گئی ہے جس میں ایک اسرائیلی مرکاوا ٹینک کو حزب اللہ کے اینٹی ٹینک میزائل حملے کے بعد جلتے ہوئے دکھایا گیا ہے، اور کہا گیا ہے کہ ٹینک میں سوار اسرائیلی فوجی ہلاک اور زخمی ہوئے ہیں ۔
یہ بھی پڑھیں: حزب اللہ کے حملے تیز، تل ابیب ایئرپورٹ بند، لاکھوں اسرائیلی پناہ گاہوں میں چھپنے پر مجبور
میڈیا رپورٹس کے مطابق، جنوبی لبنان کے جس علاقے میں ٹینک پر حملہ کیا گیا، اسی علاقے میں متعدد اسرائیلی فوجی گاڑیوں میں آگ لگنے کا بھی بتایا جارہا ہے اور اسرائیلی ریسکیو ٹیموں کے وہاں بروقت نہ پہنچنے کے باعث متعدد اسرائیلی فوجی ہلاک ہوگئے ہیں۔
مذکورہ ویڈیو کے کچھ دیر بعد حزب اللہ کی جانب سے ایک اور بیان جاری کیا گیا جس میں بتایا گیا کہ ایک اور اسرائیلی مرکاوا ٹینک کو تباہ کردیا گیا ہے جبکہ ٹینک میں سوار اسرائیلی فوجی ہلاک اور زخمی ہوئے ہیں۔
#WATCH | An Israeli tank set ablaze after being targeted by the Islamic Resistance in #Lebanon near the al-Labbouneh area. pic.twitter.com/Gzw6ET6fHf
— Al Mayadeen English (@MayadeenEnglish) October 16, 2024
قبل ازیں، جنوبی لبنان کے سرحدی علاقوں میں حزب اللہ اور اسرائیلی فوج کے درمیان شدید جھڑپیں ہوئیں جن میں کم از کم 5 اسرائیلی فوجی ہلاک ہوئے۔ میڈیا رپورٹس کے مطابق، حزب اللہ اسرائیلی انفنٹری کو ایک جانب کلوز رینج جھڑپوں میں مصروف رکھتی ہے اور دوسری جانب اس کے جنگجو اسرائیلی فوج، غیرقانونی بستیوں اور عسکری تنصیبات کو راکٹوں سے نشانہ بناتے ہیں جس کی وجہ سے اسرائیل فوج کو بھاری نقصان اٹھانا پڑ رہا ہے۔
Footage has emerged showing rockets launched from #Lebanon impacting the city settlement of Kiryat Shmona in northern occupied #Palestine, as Hezbollah announced its responsibility for the operation. pic.twitter.com/FQYrq2FAt3
— Al Mayadeen English (@MayadeenEnglish) October 16, 2024
واضح رہے کہ حزب اللہ نے پچھلے 11 ماہ کے دوران اسرائیلی فوج کے 2 ہزار 500 سے زیادہ فوجی مقامات کو نشانہ بنایا ہے۔ حزبالله کا کہنا ہے کہ اس کی کارروائیاں اس وقت تک جاری رہیں گی جب تک غزہ اور لبنان پر اسرائیلی حملے نہیں رکیں گے۔
