پاکستان تحریک انصاف ( پی ٹی آئی) کے چیئرمین بیرسٹر گوہر خان نے کہا ہے کہ ان کے 2 سینیٹرز 26 ویں آئینی ترمیم پر حکومت کی حمایت میں ووٹ دینے جا رہے ہیں۔
یہ بھی پڑھیں:خصوصی کمیٹی میں منظور مسودے کے اہم نکات کیا ہیں؟
ہفتہ کے روز محمود خان اچکزئی سے ملاقات سے قبل ذرائع ابلاغ کے نمائندوں سے گفتگو کرتے ہوئے بیرسٹر گوہر خان نے بتایا کہ حکومت کی جانب سے پیش کی جانے والی 26 ویں آئینی ترمیم سے متعلق ابھی پارٹی کے اندر مشاورت جاری ہے، ہماری بانی پی ٹی آئی کے ساتھ مشاور ابھی مکمل نہیں ہوئی۔
پی ٹی آئی کے کون سے 2 سینیٹر آئینی ترمیم کی حمایت کر رہے؟ بیرسٹر گوہر نے بتا دیا pic.twitter.com/NIv1clbI7y
— WE News (@WENewsPk) October 19, 2024
ایک سوال کے جواب میں بیرسٹر گوہر نے بتایا کہ پاکستان تحریک انصاف کے 2 سینیٹرزرقا تیمور اورفیصل سلیم 26 ویں آئینی ترمیم پر حکومت کا ساتھ دینے جا رہے ہیں۔
بیرسٹر گوہر نے ایک اور سوال کے جواب میں کہا کہ ہم نے کہا کہ لوگوں کو ایسے اٹھانا ہے تو یہ جمہوریت کے لیے شرمناک ہے، جے یو آئی کا اپنا مؤقف ہے اور ہمارا اپنا مؤقف ہے۔ ہمارا مؤقف تھا کہ یہ فارم 47 والی حکومت آئین میں ترمیم نہیں کر سکتی۔
یہ بھی پڑھیں: عمران خان پر جیل میں کیا بیتی؟ بیرسٹر گوہر نے بتادیا
بیرسٹر گوہر خان نے کہا کہ ہم نے کسی چیز کی مخالفت نہیں کی، ہم کہہ رہے ہیں کہ اس آئینی ترمیم کے مسودے پر اتفاق نہیں ہوا ہے۔
