بلوچستان نیشنل پارٹی نے سینیٹر نسیمہ احسان اور سینیٹر قاسم رونجھو کو 26 ویں آئینی ترمیم کی حمایت میں ووٹ دینے پر شوکاز نوٹس جاری کرتے ہوئے سینیٹ آف پاکستان کی رکنیت سے مستعفی ہونے کا مطالبہ کر دیا۔
یہ بھی پڑھیں:اختر مینگل کو سینیٹ گیلری سے کیوں نکالا گیا؟
بلوجستان نیشنل پارٹی (بی این پی ) کے سربراہ اختر مینگل نے سماجی رابطے کی ویب سائٹ ’ایکس ‘ پر اپنے ایک ٹویٹ میں لکھا کہ بلوچستان نیشنل پارٹی نے سینیٹر نسیمہ احسان اور سینیٹر قاسم رونجھو کو فوری طور پر سینیٹ کی رکنیت سے مستعفی ہونے کی ہدایت کردی ہے۔
The Balochistan National Party instructs Senator Naseema Ehsan and Senator Qasim Roonjo to promptly resign from the Senate. If this is not completed by tomorrow, both of you will be removed from the party.
— Akhtar Mengal (@sakhtarmengal) October 20, 2024
انہوں نے لکھا کہ اگر کل تک پارٹی کی ہدایت کے مطابق سینیٹ کی رکنیت سے استعفیٰ دینے کا عمل مکمل نہ کیا تو آپ دونوں کو پارٹی سے نکال دیا جائے گا۔
واضح رہے کہ سینیٹر نسیمہ احسان اور سینیٹر قاسم رونجھو نے 26 ویں آئینی ترمیم جسے سینیٹ آف پاکستان سے دو تہائی اکثریت سے منظور کروایا گیا تھا، کے حق میں ووٹ دیا تھا۔
