26 ویں آئینی ترمیم سے متعلق پی ٹی آئی کے ایم این اے زین قریشی کا ویڈیو بیان سامنے آگیا ہے جس میں انہوں نے اسمبلی میں اپنی موجودگی کی تردید کرتے ہوئے کہا ہے کہ آئینی ترمیم کی حمایت سے متعلق ان کے خلاف گمراہ کن پروپیگنڈا کیا جا رہا ہے، قومی اسمبلی جانا تو دور کی بات وہ اس کے قریب سے بھی نہیں گزرے۔
زین قریشی کا کہنا تھا کہ وہ بانی پی ٹی آئی عمران خان اور پارٹی پالیسی کے ساتھ کھڑے ہیں، ان کی کسی حکومتی اہلکارسے ملاقات ثابت ہوجائے تو وہ سیاست چھوڑ دیں گے۔ انہوں نے مزید کہا کہ اپنے والد شاہ محمود قریشی کے کہنے پر روپوشی اختیار کی، والد نےلاہور بلایا اور کہا کسی صورت آئینی ترمیم منظورنہیں ہونی چاہیے۔
آئینی ترمیم کے حوالے سے میرے خلاف جھوٹا پروپیگنڈہ اور اسمبکی میں موجودگی کی غلط خبر کی تردید کرتا ہوں، خان کے ساتھ تھا، ہوں اور رہوں گا۔ pic.twitter.com/QgenHQoasG
— Zain Hussain Qureshi (@ZainHQ) October 20, 2024
وضاحتی ویڈیو سامنے آنے کے بعد زین قریشی کو صارفین کی جانب سے شدید تنقید کا نشانہ بنایا جا رہا ہے، صارف فیاض شاہ نے لکھا کہ صبح کے 4 بجے آئینی ترمیم منظور ہونے کے بعد آپ کا وضاحتی بیان منظرعام پر آیا ہے، جبکہ میڈیا پر یہ نام رات 9 بجے سے لیا جا رہا ہے، اگر آپ حکومتی لابی میں نہ بیٹھے ہوتے تو یہ ویڈیو ترمیم منظور ہونے سے پہلے آ جانی تھی۔
واہ زین قریشی واہ
صبح کے 4 بجے آئینی ترمیم منظور ہونے کے بعد تمہارا وضاحتی بیان منظر عام پر آیا ہے جبکہ میڈیا پر یہ نام رات 9 بجے سے لیا جا رہا ہے۔ تم اگر حکومتی لابی میں نہ بیٹھے ہوتے تو یہ وڈیو ترمیم منظور ہونے سے پہلے آ جانا تھی۔— Fayyaz Shah (@RebelByThought) October 20, 2024
علی خان نے زین قریشی کو مخاطب کرتے ہوئے کہ فرحان ورک کے ایکس اکاؤنٹ پر ویڈیو آپ کے اکاؤنٹ سے 23 منٹ پہلے اپلوڈ ہوئی ۔ یہ ویڈیو فرحان ورک کو آخر کار پہلے کیسے پہنچی؟
فرحان ورک کی اکاؤنٹ سے ویڈیو آپ کے اکاؤنٹ سے 23 منٹ پہلے اپلوڈ ہوئی ۔یہ ویڈو فرحان ورک کو پہلے کیسے پہنچی آخر کیسے ؟؟
ڈوب مرو. باپ کی عزت کا ہی خیال کر لیا ہوتا 🖐️ pic.twitter.com/Y4LtZvmian
— Ali Khan (@AliRaza81) October 21, 2024
ایک صارف نے لکھا کہ مخدوم شاہ محمود قریشی ایک سال سے قید و بند کی صعوبتیں کاٹ کر وفاداری کی ایک نئی مثال قائم کررہے ہیں اور زین قریشی نے کیا کیا ؟ انہوں نے مزید کہا کہ آپ پر نہیں مخدوم شاہ محمود قریشی صاحب پر دکھ ہورہا ہے کہ وہ کیسے یہ خبر برداشت کرپائیں گے، ان کا بیٹا بے وفا نکلا۔
مخدوم شاہ محمود قریشی ایک سال سے قید و بند کی صعوبتیں کاٹ کر وفاداری کی ایک نئ مثال قائم کررہے ہیں اور آپ ؟
ہمیں آج آپ پر نہیں مخدوم شاہ محمود قریشی صاحب پر دکھ ہورہا ہے کہ وہ کیسے یہ خبر برداشت کرپائیں گے ان کا بیٹا بیوفا نکلا pic.twitter.com/LZz1wbj5AZ— Adv Abdul Majeed Mahar (@MajeedMahar4) October 21, 2024
ایک ایکس صارف کا کہنا تھا کہ آپ نے یہ ویڈیو پیغام پہلے کیوں نہیں جاری کیا، ترمیم منظور ہونے کے بعد ہی کیوں کیا؟ اور اگر کوئی مجبوری بھی تھی تو بتائیں آپ کہاں تھے ایسے تو کوئی یقین نہیں کرےگا۔
تو بھائی یہ پہلے کیوں نہیں کیا پیغام جاری ؟ ترمیم منظور ہونے کے بعد ہی کیوں ؟ ایسا کیوں ؟ اور اگر کوئی مجبوری بھی تھی تو بتا آپ کہاں تھے ؟ ایسے تو کوئی یقین نہیں کرےگا
— DemocracyDreamer (@captiveofdemocr) October 20, 2024
جیا نامی صارف نے زین قریشی پر تنقید کرتے ہوئے لکھا کہ آپ غدار تھے اور رہیں گے۔ انہوں نے پی ٹی آئی سے مطالبہ کیا کہ زین قریشی کو پارٹی سے نکال دیا جائے۔
تم غدار تھے ہو اور رہوگے اچھا ہے اسکو پارٹی سے نکال دیا جائے@PTIofficial
— Jiya (@bpqld) October 21, 2024
واضح رہے کہ رکن قومی اسمبلی زین قریشی کچھ دنوں سے منظرعام سے غائب تھے اور ان کی ہمشیرہ مہر بانو قریشی کی جانب سے زین قریشی سے رابطہ نہ ہونے اور ان کو اغوا کیے جانے کا خدشہ بھی ظاہر کیا گیا تھا۔
