اسپیکر قومی اسمبلی سردار ایاز صادق نے مسلم لیگ ن کے منحرف رکن قومی اسمبلی عادل بازئی کو نااہل قرار دینے کے لیے الیکشن کمیشن کو خط لکھ دیا۔
واضح رہے کہ اس سے قبل صدر مسلم لیگ ن میاں نواز شریف نے پارٹی سے انحراف کر کے آئینی ترمیم کے لیے ووٹ نہ دینے والے رکن قومی اسمبلی عادل بازئی کے خلاف ریفرنس اسپیکر کو بھیجا تھا۔ جس کے بعد آج اسپیکر قومی اسمبلی نے عادل بازئی کو نااہل قرار دینے کے لیے الیکشن کمیشن کو خط لکھ دیا۔
اسپیکر قومی اسمبلی ایاز صادق نے آئینی ترمیم پر ووٹ نہ دینے والے پاکستان مسلم لیگ (ن) کے ایم این اے عادل بازئی کو نااہل قرار دے کر انہیں ڈی سیٹ کرنے کا مطالبہ کردیا۔
یہ بھی پڑھیے اسپیکر قومی اسمبلی کو ایم این ایز عادل بازئی اور الیاس محمد چوہدری کے خلاف ریفرنسز موصول
واضح رہے کہ مسلم لیگ ن کے صدر نواز شریف نے عادل بازئی کے خلاف ریفرنس اسپیکر کو بھجوایا تھا۔ عادل بازئی گزشتہ روز ایوان سے غیر حاضر تھے اور ووٹ بھی نہیں دیا تھا۔
عادل بازئی نے ن لیگ جوائن کرکے بعد میں تحریک انصاف میں شمولیت اختیار کرلی تھی۔
اسپیکر قومی اسمبلی نے الیکشن کمیشن کو لکھے گئے اپنے خط میں عادل بازئی کو فوری ڈی سیٹ کرنے کا مطالبہ بھی کردیا۔
