اسپیکر قومی اسمبلی سردار ایاز صادق کو ممبران قومی اسمبلی عادل بازئی اور الیاس محمد چوہدری کے خلاف ریفرنسز موصول ہو گئے۔
یہ بھی پڑھیں: خورشیدشاہ نے ایاز صادق سے ملاقات کیوں کی؟
عادل خان بازئی کے خلاف ریفرنس پاکستان مسلم لیگ ن جب کہ الیاس محمد چوہدری کے خلاف ریفرنس پاکستان مسلم لیگ ق کی طرف سے دائر کیا گیا۔
ریفرنسز میں کہا گیا ہے کہ ممبران نے بجٹ سیشن کے دوران پارٹی ڈائریکشنز کی خلاف ورزی کی، عادل خان بازئی قومی اسمبلی کے حلقہ 262 (کوئٹہ -1) جبکہ الیاس محمد چوہدری حلقہ 62 (گجرات ) سے قومی اسمبلی کے رکن منتخب ہوئے ہیں۔
یہ بھی پڑھیں: پارٹی پالیسی کے برخلاف بیان بازی پر میاں جاوید لطیف کی سرزنش؟
ریفرنسز میں فریقین نے مؤقف اختیار کیا ہے کہ مروجہ قوانین کے مطابق تمام ممبران پارٹی گائیڈ لائنز کو فالو کرنے کے پابند ہیں، ریفرنسز میں ممبران کے خلاف فوری کاروائی کی استدعا کی گئی ہے۔
