توہین الیکشن کمیشن کیس: عمران خان کی ویڈیو لنک پیشی، انٹرنیٹ سروس تاحال خراب

بانی پاکستان تحریک انصاف (پی ٹی آئی) عمران خان کے خلاف توہین الیکشن کمیشن و الیکشن کمشنر کیس کی سماعت ہوئی، جس میں شعیب شاہین، فیصل چوہدری اور جیل حکام پیش ہوئے۔

سماعت کے دوران کمیشن نے جیل حکام سے استفسار کیا کہ ویڈیو لنک کے ذریعے پیشی کا کہا تھا کیا ہوا، ج سپر جیل حکام نے جواب دیا کہ جیل میں انٹرنیٹ کی سہولت تاحال خرابی کے باعث دستیاب نہیں ہے۔

مزید پڑھیں: توہین الیکشن کمیشن، وزیراعلیٰ خیبرپختونخوا کا طلبی نوٹس کیخلاف ہائیکورٹ سے رجوع

شعیب شاہین نے کہا کہ کمیشن ہماری بانی پی ٹی آئی عمران خان سے ملاقات کا حکم دے۔ جس پر کمیشن نے کہا کہ یہ ہمارا کام نہیں ہے۔ فیصل چوہدری بولے کہ ہم اپنے مؤکل کے بارے میں فکرمند ہیں۔

فیصل چوہدری نے کہا کہ آج شام کو کمیشن جیل چلے ہم بھی آجائیں گے، جیل کا انٹرنیٹ نہیں ٹھیک ہوگا۔ جس پر کمیشن نے جواب دیا کہ سب کچھ ٹھیک ہو گا۔

تاہم، الیکشن کمیشن نے جیل میں انٹرنیٹ سروس سے متعلق پی ٹی اے سے رپورٹ طلب کرلی اور سماعت کو 5نومبر تک ملتوی کردیا۔