قومی ٹیم کے ریڈ بال فارمیٹ کے ہیڈکوچ جیسن گلیسپی کی پاکستانی ٹیم کے پریکٹس سیشن کے بعد پانی کی خالی بوتلیں اٹھانے کی ویڈیو سوشل میڈیا پر وائرل ہورہی ہے۔ٹریننگ سیشن کے دوران پاکستانی کھلاڑیوں نے خالی بوتلیں گراؤنڈ میں ہی پھینک دی تھیں جنہیں جیسن گلیسپی نے اٹھایا تاکہ میدان کو صاف رکھا جاسکے۔
Pakistan head coach Jason Gillespie shows humility by picking up empty water bottles after practice session pic.twitter.com/avaLQyuQVL
— CricWick (@CricWick) October 22, 2024
ویڈیو سوشل میڈیا پر وائرل ہوئی تو صارفین نے ہیڈ کوچ کے عاجزانہ رویے کی تعریف کی اور قومی ٹیم کے کھلاڑیوں کو تنیقد کا نشانہ بنایا۔ ایک صارف نے جیسن گلیسپی کی تعریف کرتے ہوئے لکھا کہ گراؤنڈ سے خالی بوتلیں اٹھانا ایک چھوٹی سی بات ہے لیکن یہ ہمارے کھلاڑیوں کی ذہنیت کو ظاہر کرتا ہے۔ صارف نے قومی کھلاڑیوں پر تنقید کرتے ہوئے کہا کہ کچھ بنیادی آداب سیکھیں۔
Gillespie picked up the empty bottles left by the Pakistani players after the practice session.
It's just a small thing, but it shows the mentality of our players. Cleaning up after oneself seems to be considered a menial task. Learn some basic manners.
— M (@anngrypakiistan) October 22, 2024
ایک ایکس صارف نے لکھا کہ زینب عباس اور عامر سہیل نے پچھلے ہفتے جو کچھ کیا اس کے بعد یہ پوری قوم کے لیے بہت بڑی شرم کی بات ہے کہ ریڈ بال فارمیٹ کے ہیڈکوچ کھلاڑیوں کی جانب سے پھینکی گئی خالی بوتلیں اٹھا رہے ہیں۔
Oncec again, It's a huge shame for all the nation after what Zainab and Amir Sohail did last week. https://t.co/maTGXYkhBH
— Zee (@Zee92R) October 22, 2024
واضح رہے کہ ٹی وی پریزینٹر زینب عباس نے گزشتہ دنوں ایک تصویر شیئر کی تھی جس میں وہ سابق انگلش کپتان و کمنٹیٹر ناصر حسین اور سابق کرکٹر عامر سہیل کے ہمراہ میدان پر میچ کی صورتحال پر گفتگو کررہی تھیں۔
اس تصویر میں سابق انگلش کپتان ناصر حسین میدان پر شدید گرمی کے دوران اپنی چھتری خود پکڑے ہوئے تھے جبکہ عامر سہیل اور زینب عباس نے گراؤنڈ اسٹاف کے ممبر کو چھتری پکڑوا کر کھڑا کردیا جس پر انہیں تنقید کا نشانہ بنایا گیا۔
عجب نیازی لکھتے ہیں کہ ہمارے دین اسلام میں صفائی نصف ایمان ہے لیکن اس پر عمل انگریز کرتے ہیں۔
Hamare deen mein safai ' Nisf Emaan ' hai aur amal gore krte Hain 😑 https://t.co/Y6ZtjeVUBf
— Ajab Niazi (@niazi_54) October 22, 2024
