چیف جسٹس قاضی فائز عیسی اور نامزد چیف جسٹس یحیی آفریدی کی اہم ملاقات۔
چیف جسٹس قاضی فائز عیسی اور نامزد چیف جسٹس یحیی آفریدی کے درمیان ایک اہم ملاقات ہوئی ہے۔
یہ بھی پڑھیں:جسٹس یحییٰ آفریدی 30ویں چیف جسٹس تعینات، نوٹیفکیشن جاری
ذرائع کے مطابق دونوں میں ملاقات چیف جسٹس چمبر میں ہوئی۔ چیف جسٹس قاضی فائز عیسی نے نامزد چیف جسٹس یحیی آفریدی کو مبارکباد پیش کی۔
ذرائع کے مطابق جسٹس یحیی آفریدی نے مبارکباد کو قبول کیا۔ جسٹس آفریدی نے مقدمات کی سماعت کے بعد چیف جسٹس سے دوسری ملاقات بھی کی۔ دونوں ججز میں پہلی ملاقات آج مقدمات کی سماعت سے قبل ہوئی۔
ذرائع کے مطابق جسٹس یحیی آفریدی جسٹس منصور علی شاہ کے چمبر میں بھی گئے۔ نامزد چیف جسٹس یحیی آفریدی کو ان کے چمبر کے اسٹاف نے بھی مبارکباد دی۔
