سوشل میڈیا سے عالمی شہرت پانے والے مذہبی اسکالر مفتی اسماعیل مینک کا ایک بیان سوشل میڈیا پر وائرل ہو رہا ہے جس میں ان کا کہنا تھا کہ ایک ملک میں ایک سیاستدان ہے جو اقتدار میں آیا اور لوگ اس کے بارے میں کہتے ہیں کہ وہ بہت اچھا انسان ہے۔ انہوں نے کہا کہ میں بھی یہی سمجھتا ہوں کہ وہ بہت اچھا انسان ہو گا لیکن اس میں ایک بہت بڑی خامی ہے جو اس کی زبان ہے، انہیں کسی نے اس بارے میں نہیں بتایا۔
ویڈیو میں ان کا مزید کہنا تھا کہ جب بھی وہ سیاستدان بولتا ہےتو دوسرے سیاستدانوں کی سرِعام تذلیل کرتا ہے اس لیے آپ جتنے چاہے اچھے کام کرلیں لیکن دوسروں کو موقع نہ دیں کہ وہ آپ کے خلاف اٹھ کھڑے ہوں اور شدید مخالف بن جائیں، آپ اپنی زبان سے ہی لوگوں کو اکساتے ہیں کہ وہ آپ کو نکال باہر کریں، کیونکہ آپ غیرضروری بول رہے ہوتے ہیں اور یہی آپ کا مسئلہ ہے۔
یہ بھی پڑھیں: آپ درد میں ہوں گے لیکن زندگی چلتی رہے گی، ثانیہ مرزا
مفتی مینک کا کہنا تھا کہ جب آپ دوسروں کی سرعام تذلیل کریں گے تو بااختیار لوگوں کو جب بھی موقع ملے گا وہ اٹھ کھڑے ہوں گے اور یقینی بنائیں گے کہ آپ کو سدھاریں اس لیے اگر آ پ واقعی مسائل کا حل چاہتے ہیں تو اپنی زبان ٹھیک کریں، اچھے الفاظ ادا کریں جیسے آپ یوں کہیں کہ میں آپ سے اتفاق نہیں کرتا لیکن میں آپ کا احترام کرتا ہوں۔
مفتی مینک کی ویڈیو وائرل ہوئی تو پی ٹی آئی مخالفین نے ویڈیو شیئر کرتے ہوئے دعویٰ کیا کہ مفتی مینک کا یہ بیان عمران خان سے متعلق ہی ہے۔ اور پی ٹی آئی کے حامی اور مخالف صارفین آمنے سامنے آ گئے ہیں۔
باسط علوی نے ویڈیو شیئر کرتے ہوئے لکھا کہ مفتی مینک کے برے دن شروع ہو گئے۔
مفتی مینک کے برے دن شروع ۔۔ 😅 pic.twitter.com/8Ct1VT5byU
— Basit Alvi (@bpk69) October 22, 2024
ایک صارف نے سوال کیا کہ کیا مفتی مینک بانی پی ٹی آئی عمران خان کے بارے میں بات کر رہے ہیں؟
Is he talking about Imran khan? https://t.co/OEK4j7OCYo
— Mast Qalandar! (@Trangphaa) October 23, 2024
شانی نامی صارف نے لکھا کہ ایسا لگ رہاہے جیسے مفتی مینک سابق وزیراعظم عمران خان کی بات کر رہے ہیں۔
Sounds like Imran khan https://t.co/j0F6i5FqE7
— shani (@shanibolte) October 23, 2024
غزالہ طلعت لکھتی ہیں کہ مفتی میںنک کے پی ٹی آئی کے ہاتھوں برے دن آنے والے ہیں لیکن مفتی مینک جیسے لیجنڈ سکالر کو اس سے کوئی فرق نہیں پڑتا۔
مفتی میںنک کے پی ٹی آئ کے ہاتھوں برے دن آنے والے ہیں۔
لیکن مفتی مینک جیسے لیجنڈ سکالر کو اس سے کوئ فرق نہیں پڑتا۔ pic.twitter.com/GSBUXxMWQe— Dr. Ghazala Tallat🇵🇰 (@GhazalaTallat) October 22, 2024
حنا سرور نے لکھا کہ عالمی شہرت یافتہ عالم دین مفتی مینک نے بھی دنیا کو عمران خان کی اصلیت بتا دی اور کہا اس وقت عمران خان کی ساری حمایت مغربی میڈیا میں آپریشن گولڈسمتھ کے تحت کی جا رہی ہے۔عمران خان گولڈسمتھ کا مہرہ ہے۔ انہوں نے مزید لکھا کہ کاش یہ بات ہمارے علماء خاص کر مولانا طارق جمیل صاحب بھی سمجھ جاتے۔
عالمی شہرت یافتہ عالم دین اور زمبابوے کے گرینڈ مفتی، مفتی مینک نے بھی دنیا کو عمران خان کی اصلیت بتا دی کہا اس وقت عمران خان کی ساری حمایت مغربی میڈیا میں آپریشن گولڈسمتھ کے تحت کی جا رہی ہے۔عمران خان گولڈسمتھ کا مہرہ ہے۔کاش یہ بات ہمارے علماء خاص کر مولانا طارق جمیل صاحب بھی… pic.twitter.com/cojkF2r2gB
— حنا سرور (@ChiryaClub) October 22, 2024
اطہر سلیم نے کہا کہ اب پی ٹی آئی کے حامی صارفین مفتی مینک کو بھی گالیاں دیں گے حالانکہ انہوں نے حقیقت پر مبنی بات کی ہے اور وہ بالکل عمران خان پر فِٹ بیٹھتی ہے۔
مفتی مینک کو گالیاں پڑنے کا وقت ہوا چاہتا ہے، اب یوتھیے اس کو بھی گالیاں دیں گے حالانکہ انہوں نے حقیقت پر بات کی ہے اور وہ بالکل عمران خان پر فِٹ بیٹھتی ہے.. pic.twitter.com/PCavPVviNG
— Athar Saleem® (@AtharSaleem01) October 22, 2024
وقار خان نے مفتی مینک کی ویڈیو پر تبصرہ کرتے ہوئے لکھا کہ مفتی مینک ٹرمپ کی زبان کی طرف اشارہ کر رہے ہیں جب ڈبیٹ کے دوران انہوں نے اپنے سارے مخالفین کے الٹے نام رکھتے ہوئے انہیں تنقید کا نشانہ بنایا تھا لیکن ن لیگ کے حامی صارفین نے اسے بنا کسی ثبوت کے عمران خان کے ساتھ نتھی کر دیا۔
مفتی مینک کا وہ خطاب جس میں وہ ٹرمپ کی زبان کی طرف اشارہ کرتے ہوۓ خصوصاً جب ڈبیٹ کے دوران اُس نے اپنے سارے مخالفین کے الٹے نام رکھے ہوۓ تھے تنقید کا نشانہ بنایا
پٹواری جاہلوں نے بنا کسی ثبوت کے اُسے عمران خان سے نتھی کر دیا، سارا بیان سنیں اور خود فیصلہ کریں pic.twitter.com/oq3JsSwdwR— Waqar khan (@Waqarkhan123) October 22, 2024
