حال ہی میں پاکستانی سینئر اداکارہ صبا فیصل نے اپنے بڑے پوتے روحان سلمان کی تیسری سالگرہ دھوم دھام سے منائی جس کا تھیم ’کوکومیلن‘ رکھا گیا۔ 3 سالہ روحان سلمان کی سالگرہ میں صبا فیصل ماڈرن اسٹائل لباس پہنے بڑے پوتے کی برتھ ڈے پارٹی میں اپنی موجودگی سے رونق لگاتی نظر آئیں۔
سوشل میڈیا پر نیہا اور سلمان فیصل کے بیٹے کی سالگرہ کی متعدد تصاویر اور ویڈیوز بھی زیرِ گردش ہیں جن کو مداحوں کی جانب سے خوب پسند کیا جارہا ہے۔
صبا فیصل گزشتہ سال اپنی بڑی بہو نیہا سے ہونے والی سوشل میڈیا لڑائی کے سبب موضوعِ بحث بنیں رہیں لیکن اب انہوں نے نیہا سے تعلقات استوار کر لیے ہیں۔
صبا فیصل نے گزشتہ سال اپنے چھوٹے بیٹے ارسلان فیصل کی شادی کروائی اور اب وہ اپنے نواسا، نواسی اور پوتوں کی خوشیاں مناتی نظر آتی ہیں۔
پاکستان ٹیلی ویژن کے لیے خبر نامہ پڑھنے سے کریئر کا آغاز کرنے والی اداکارہ صبا فیصل کے مشہور ڈراموں میں ’در شہوار‘ ، ’باغی‘ ، ’ہمسفر‘ ، ’گھسی پٹی محبت‘ ، ’سرِ راہ‘ ، ’خدا اور محبت‘ ، ’حبس‘ ، ’کہیں دیپ جلے‘ ، ’خئی‘ ، ’ذرا یاد کر‘ اور ’بے رنگ‘ جیسے ڈرامے شامل ہیں۔
