منگل کی شام سپریم کورٹ کے اگلے سربراہ کے انتخاب کے لیے قائم کردہ خصوصی پارلیمانی کمیٹی نے عدالت عظمیٰ میں سنیارٹی میں نمبر تین پر موجود جسٹس یحییٰ آفریدی کو ملک کا نیا چیف جسٹس نامزد کیا تھا۔
اس فیصلے پر پی ٹی آئی میں تحفظات پائے جاتے ہیں اسی لیے سابق وزیراعظم عمران خان کی جماعت پاکستان تحریک انصاف (پی ٹی آئی) سے منسلک انصاف لائرز فورم اور حامد خان گروپ نے 26 ویں آئینی ترمیم کے ذریعے نئے چیف جسٹس کی تقرری کے خلاف ملک گیر احتجاجی تحریک شروع کرنے کا اعلان کیا ہے۔
ایسے میں پاکستان کے سابق چیف جسٹس میاں ثاقب نثار کی ایک پرانی ویڈیو سوشل میڈیا پر وائرل ہو رہی ہے جس میں وہ کہتے ہیں کہ ’4,5 ایم پی ایز کا میں ویسے ہی استعفیٰ دلوا دوں گا تاکہ الیکشن کروا سکیں۔
ویڈیو شیئر کرتے ہوئے ڈاکٹر ہما سیف لکھتی ہیں کہ پی ٹی آئی ایسی عدلیہ کو یاد کرتی ہو گی جو ان کے حق میں بولتی تھی۔
میں نے آپ سے کہا تھا کہ چار پانچ MPAs کو تو مین ایسے ہی ریزائن کروا دوں گا : ثاقب نثار
آپکی پوری بات ہم کررہےہیں، ڈونٹ وری‘، جسٹس اعجازالاحسن کا PTI وکلا سے مکالمہ 2022
ایسی عدلیہ کو تو PTI مس ضرور کرتی ہوگی :1 pic.twitter.com/yWu2vYzaXj
— Dr Humma Saif (@HummaSaif) October 23, 2024
ایک صارف نے لکھا کہ حکومت ثاقب نثار کا احتساب کرے اور بطور چیف جسٹس ان کے اپنے بیان سے بڑا ثبوت اور کیا چاہیئے، انہوں نے مزید لکھا کہ ثاقب نثار پر اپنے عہدہ اور اختیارات کے ناجائز استعمال کا کیس بننا چاہیئے۔
حکومت ثاقب نثار کا احتساب کرے اور بطور چیف اس کے اپنے بیان سے بڑا ثبوت اور کیا چاہئے ؟
اپنے عہدہ،
اختیارات کا ناجائز استعمال کا کیس بننا چاہئے https://t.co/HIXvHqaBlW— Ch Noor H Tanvir (@ChaudhryNoor) October 24, 2024
عامر ممتاز نے لکھا کہ پی ٹیا ٓئی اب بھی ایسا ہی چیف جسٹس چاہتی ہے لیکن اب ایسا چیف جسٹس نصیب نہیں ہو گا۔
عمرانی ٹولہ ایسا چیف جسٹس چاہتا ہے
جو اب نصیب نہیں ہوگا https://t.co/4vTohARQtN— عامر ممتاز بوبک (@AmirMumtazBubak) October 23, 2024
ایک ایکس صارف نے طنزاً لکھا کہ ماضی کی آزاد عدلیہ ایسی تھی۔
‘the free judiciary’ from the past 🎉🎉 https://t.co/KLC0VQEMqh
— Asad Shoaib (@assad_shoaib) October 23, 2024
