صحافت چھوڑ کر ڈھابہ کھولنے والا ضلعی انتظامیہ کے ہاتھوں پریشان، ویڈیو وائرل

سوشل میڈیا پر ایک ڈھابے کو مسمار کرنے اور سامان اٹھا کر لے جانے کی ویڈیو وائرل ہو رہی ہے، متاثرہ شہری نے اس حوالے سے موقف اختیار کیا ہے کہ وہ صحافت سے بریک لے کر تعلیم حاصل کرنے برطانیہ گئے تھے، وطن واپس آ کر انہوں نے ایک دوست ے ساتھ مل کر لاہور میں چھوٹا سا ڈھابہ کھولا تھا لیکن آئے روز نئے سے نیا محکمہ رشوت لینے پہنچ جاتا تھا۔

صارف نے دعویٰ کیا کہ آج اے سی اقبال ٹاؤن صاحب نے پوری مارکیٹ میں اکیلی ان کی دوکان کو مسمار کر کے فوٹو سیشن کروایا انہوں نے مزید کہا چونکہ میں نے ان کو ماہانہ رقم نہیں دی اس لیے پوری مارکیٹ میں سینکڑوں دکانیں چھوڑ کر صرف ان کو ٹارگٹ کیا گیا۔

ان کا کہنا تھا کہ اے سی صاحب دکان کے اندر سے کاؤنٹر بھی اٹھا کر لے گئے نہ پیسے نکالنے دیے نہ سامان (جس کی ویڈیو بھی موجود ہے)۔ صارف نے مریم نواز اور ڈی سی لاہور کو مخاطب کرتے ہوئے کہا کہ ہے کوئی ان رشوت خوروں کو پوچھنے والا؟

صحافت سے بریک لیکر برطانیہ تعلیم حاصل کرنے گیا ڈگری مکمل کی ۱)تو گھر والوں نے بہت سمجھایا بیٹا واپس نہ آؤ یہ ملک ہم جیسےحلال رزق کمانے والوں کیلیے نہیں ہے مگر ملک سے محبت میں واپس آ گیا کچھ پیسے جوڑ کر ساتھ لایا اور لاہور میں ایک دوست کیساتھ ملکر ایک ماہ قبل چھوٹا سا ہوٹل کھول لی pic.twitter.com/uNG8FwfhWO

— Khawar Mughal (@khawar_M_Khan) October 24, 2024

امداد علی سومرو نے واقعہ پر ردعمل دیتے ہوئے کہا کہ یہ قابلِ مذمت عمل ہے، سرکار کے ملازم ہی اگر بھتہ خوری کریں گے تو کاروباری افراد کو تحفظ کون فراہم کرے گا، وزیراعلی پنجاب مریم نواز صاحبہ کو اس عمل کا نوٹس لینا چاہئے۔

قابل مذمت عمل ہے، سرکار کے ملازم ہی اگر بھتہ خوری کریں گے تو کاروباری افراد کو تحفظ کون فراہم کرے گا ،
وزیراعلی پنجاب مریم نواز صاحبہ کو اس عمل کا نوٹس لینا چاہئے @MaryamNSharif https://t.co/xs4Gp3mKJk

— Imdad Ali Soomro (@imdad_soomro) October 24, 2024

ایک صارف کا کہنا تھا کہ اس نوجوان کو کو انصاف ملنا چاہئے اور واقعہ میں ملوث افسروں و اہلکاروں کے خلاف کارروائی کر کے نقصان کا ازالہ کیا جائے۔

اس محنتی نوجوان @khawar_M_Khan کو انصاف ملنا چاہئے اور ملوث افسروں و اہلکاروں کے خلاف کارروائی کر کے نقصان کا ازالہ کیا جائے@MaryamNSharif https://t.co/zhFuuCKQFY

— Abdul Majeed Sajid (@AMajeedSajid) October 24, 2024

شبانی شوکت لکھتی ہیں کہ پہلے ہی پاکستان میں بے روزگاری اور مہنگائی نے عوام کا جینا محال کیا ہوا ہے اور جو چھوٹے کاروبار سے روزگار شروع کرتے ہیں ان کے لیے یہ عذاب ہے؟

بہت افسوسناک، حرام کھانے والوں کو کس نے کھلی چھوٹ دی کہ حلال کمانے والوں کی محنت اور پیسے کو اس طرح ضائع کریں؟
پہلے ہی پاکستان میں بے روزگاری اور مہنگائی نے عوام کا جینا محال کیا ہوا ہے اور جو چھوٹے کاروبار سے روزگار شروع کرتے ہیں، ان کیلئے یہ عذاب؟ https://t.co/N9SOeVDbyO

— شبانہ شوکت (@Shabanashaukat4) October 24, 2024

عائشہ علی نامی صارف نے وزیراعلیٰ پنجاب کو آڑے ہاتھوں لیتے ہوئے کہا کہ یہ مریم نواز کا وژن ہے۔