ایمرجنگ ٹی20 ایشیا کپ کے پہلے سیمی فائنل میں پاکستان شاہینز نے سری لنکا اے کو جیت کے لیے 136 رنز کا ہدف دے دیا ہے اور اس وقت سری لنکا اے کی بیٹنگ جاری ہے۔
ایمرجنگ ٹی20 ایشیا کپ کا پہلا سیمی فائنل اومان کرکٹ اکیڈمی مسقط میں پاکستان شاہینز اور سری لنکا اے کے درمیان کھیلا جا رہا ہے، جس میں پاکستان نے ٹاس جیت کر پہلے بیٹنگ کرتے ہوئے مقررہ 20 اوور میں 9 وکٹوں کے نقصان پر 135 رنز بنائے۔
یہ بھی پڑھیں: ایمرجنگ ٹی 20 ایشیا کپ : پاکستان نے سیمی فائنل میں رسائی حاصل کرلی
پاکستان شاہینز کی جانب سے اوپنر عمیر یوسف 46 گیندوں پر 68 رنز بنا کر نمایاں رہے، باقی کوئی بھی پاکستانی کھلاڑی 15 کا ہندسہ پار نہ کرسکا جبکہ 2 کھلاڑی صفر پر آؤٹ ہوئے۔ پاکستان شاہینز کی جانب سے سفیان مقیم اور شاہنواز داہانی ناٹ آؤٹ رہے۔ سری لنکا اے کے دشان ہیمانتا نے 4، نپن رنسیکا اور ایشان ملنگا نے 2، 2 کھلاڑیوں کو آؤٹ کیا۔
پاکستان شاہینز نے یو اے ای کو 114 رنز سے شکست دے کر سیمی فائنل میں جگہ بنائی، جبکہ بھارت اے اومان کو 6 وکٹوں سے ہرا کر اس مرحلے تک پہنچا۔ دوسرا سیمی فائنل آج شام ساڑھے 6 بجے بھارت اے اور افغانستان اے کے درمیان کھیلا جائے گا۔
🏏 ACC #MensT20EmergingTeamsAsiaCup Semi-final 🏏
Pakistan Shaheens take on Sri Lanka ‘A’ today in Oman 🇵🇰🆚🇱🇰#PAKvSL pic.twitter.com/vemnawHdzv
— Pakistan Cricket (@TheRealPCB) October 25, 2024
مزید پڑھیں: ایمرجنگ ٹیمز ٹی 20 ایشیا کپ: بھارت نے پاکستان شاہینز کو 7 رنز سے شکست دیدی
شاہینز اسکواڈ
محمد حارث (کپتان)، یاسر خان، عمیر بن یوسف، حیدر علی، عرفات منہاس، قاسم اکرم، عبدالصمد، شاہنواز دہانی، عباس آفریدی، سفیان مقیم۔ محمد عمران جونیئر
یاد رہے کہ شاہینز کو پہلے گروپ میچ میں بھارت اے سے 7 رنز سے شکست ہوئی تھی۔ پاکستان نے اپنا دوسرا میچ اومان کے خلاف 74 رنز سے جیت لیا تھا۔ جبکہ شاہینز اپنا آخری گروپ میچ 23 اکتوبر کو متحدہ عرب امارات (یو اے ای) کے خلاف کھیلا تھا اور متحدہ عرب امارات کی ٹیم کو 114 رنز کے بڑے مارجن سے ہرا کر سیمی فائنل میں جگہ بنائی تھی۔
