سعودی عرب کی ریلوے کمپنی (SAR) کی میزبانی میں سعودی ریلوے کانفرنس اور نمائش 20 سے 21 نومبر 2024 کو ریاض کے بین الاقوامی کانفرنس اور نمائش مرکز میں منعقد ہوگی۔
اس اہم ایونٹ کی سرپرستی سعودی وزیر نقل وحمل ولاجسٹکس سروسز، صالح بن ناصر الجاسر کریں گے۔
یہ کانفرنس ریلوے کے شعبے میں تازہ ترین اختراعات اور ترقی کو اجاگر کرنے، مقامی اور بین الاقوامی آپریٹرز کے مابین روابط کو فروغ دینے اور لاجسٹکس سیکٹر میں ترقی کو تیز کرنے کے لیے ایک پلیٹ فارم فراہم کرے گی۔
اس میں 200 سے زائد عالمی اور مقامی مقررین شرکت کریں گے، جبکہ 200 سے زیادہ نمائش کنندگان جدید سروسز اور تکنیکی حل پیش کریں گے۔
