اسپیکر قومی اسمبلی ایاز صادق کی ہدایت پر قومی اسمبلی سیکرٹریٹ نے اسمبلی اجلاس 28 اکتوبر 2024 پیر کو شام 5 بجے طلب کر لیا ہے، 6 نکاتی ایجنڈا بھی جاری کر دیا گیا۔
اتوار کو سیکریٹری قومی اسمبلی کی جانب سے قومی اسمبلی کے اجلاس کا ایجنڈا بھی جاری کر دیا گیا ہے جس کے مطابق ایجنڈا نمبر 1 میں تلاوت قرآن پاک، حدیث، نعت، قومی ترانہ پیش کیا جائے گا۔
28-10-2024 (Monday) – by Iqbal Anjum on Scribd
ایجنڈا نمبر 2 میں فہرست میں درج کردہ سوالات پوچھے جائیں گے اور متعلقہ ممبران پارلیمنٹ اور وزرا جوابات دیں گے۔
ایجنڈا نمبر 3 میں سبین غوری، رانا انصار، محمد معین عامر پیرزادہ، فرحان چشتی وفاقی حکومت کے ملازمین کے بچوں کے لیے فیس کی ادائیگی کی اسکیم میں بزنس ڈیٹا اینالسس اور دیگر نئے متعارف کرائے گئے ڈگری کورسز کو شامل نہ کرنے کے بارے میں عوام میں شدید تشویش کا باعث بننے والے اس عوامی اہمیت کے حامل معاملے پر فوری توجہ مبذول کرائیں گے۔
ایجنڈا نمبر 4 میں وفاقی وزیر قانون و انصاف اور پارلیمانی امور سینیٹر اعظم نذیر تارڑ کی جانب سے 24 اپریل 2024 کو پیش کی گئی مندرجہ ذیل تحریک پر مزید بحث ہو گی، ایوان 18 اپریل 2024 ء کو دونوں ایوانوں سے خطاب کرنے پر صدر پاکستان شکریہ ادا کرے گا، پوائنٹس آف آرڈر کے علاوہ دیگر معاملات پر بات ہو گی۔
ایجنڈا نمبر5 میں قاعدہ 18 کے تحت ایسے معاملات اٹھانا جو پوائنٹ آف آرڈر نہیں ہیں۔
ایجنڈا نمبر 6 میں زرتاج گل، عظیم الدین زاہد وفاقی بجٹ 24 ۔2023اور 24 ۔2025 میں اعلان کردہ اوورسیز پاکستانیز فاؤنڈیشن کے تعلیمی اداروں میں تدریسی اور متعلقہ عملے کی تنخواہوں میں اضافہ نہ کرنے کے حوالے سے فوری عوامی اہمیت کے معاملے کی جانب وزیر اوورسیز پاکستانیز اینڈ ہیومن ریسورس ڈیولپمنٹ کی توجہ مبذول کرائیں گے۔
