شاہ رخ خان اور سلمان خان کی فلم ’کرن ارجن‘ نومبر 2024 میں عالمی سطح پر دوبارہ ریلیز کی جائے گی۔ راکیش روشن کی ہدایتکاری میں بننے والی یہ فلم ایک بار پھر ناظرین کو محظوظ کرنے کا ارادہ رکھتی ہے۔
Karan Arjun aa rahe hai! Witness the reincarnation across the globe in cinema halls from November 22nd 2024.#RajeshRoshan @BeingSalmanKhan @iamsrk @itsKajolD #MamtaKulkarni #Rakhee #AmrishPuri @tipsofficial @PenMovies #30yearsOfKaranArjun pic.twitter.com/Xfzi5oS8dL
— Rakesh Roshan (@RakeshRoshan_N) October 28, 2024
ہدایت کار راکیش روشن نے اعلان کیا ہے کہ ان کی 1995 کی فلم کرن ارجن 22 نومبر 2024 کو عالمی سطح پر سینما گھروں کی زینت بنے گی۔ روشن نے ایکس پر خبر شیئر کرتے ہوئے پوسٹ کیا، ’کرن ارجن‘ آ رہے ہیں۔ 22 نومبر 2024 سے دنیا بھر کے سینما ہالوں میں دوبارہ ان کے جنم لینے کا مشاہدہ کریں۔ فلم میں شاہ رخ خان، سلمان خان اور راکھی گلزار نے اہم کردار ادا کیے ہیں۔
مزید پڑھیں:وہ فلم جس نے سلمان خان کا کیریئر تباہ ہونے سے بچا لیا
کرن ارجن 2 بھائیوں کی کہانی پر مبنی ہے جن کی محبت اور رشتہ زندگی اور موت سے بالاتر ہے۔ خاندان، انتقام اور لچک جیسے طاقتور موضوعات کے لیے مشہور، فلم کو اپنے وقت کی یادگار فلم قرار دیا جاتا ہے۔ فلم کی دوبارہ ریلیز سے مداحوں کو بڑے پردے پر کرن ارجن کا جادو دوبارہ دیکھنے کا موقع ملے گا۔
