سعودی عرب میں پاکستان کے سفیر احمد فاروق نے کہا ہے کہ وزیراعظم شہباز شریف کے دورہ سعودی عرب کے دوران پاکستان اور سعودی عرب کے درمیان 7 مزید ایم او یوز سائن ہوگئے ہیں اور معاہدوں کا کل حجم 2.8 بلین ڈالر ہوگیا ہے۔
وی نیوز سے گفتگو کرتے ہوئے انہوں نے کہاکہ 500 ملین ڈالرز کے معاہدے حتمی طور پر شروع بھی کردیے گئے ہیں۔
وزیراعظم شہباز شریف کادورہ سعودی عرب: پاکستان اور سعودی عرب کے درمیان 7 نئے معاہدے طے ،جس سے مجموعی معاہدوں کا حجم 2.8 بلین ڈالر تک پہنچ گیا اور مزید 500 ملین ڈالر کے منصوبے عملی طور پر شروع کر دیے گئے ہیں، سعودی عرب میں پاکستانی سفیر احمد فاروق کی وی نیوز سے خصوصی گفتگو… pic.twitter.com/96QT19M5Ln
— WE News (@WENewsPk) October 30, 2024
یہ بھی پڑھیں سعودی عرب پاکستان میں مزید 600 ملین ڈالر کی سرمایہ کاری کرے گا، دونوں ممالک میں اتفاق
احمد فاروق نے کہاکہ وزیراعظم کی جانب سے ہمیں خاص ہدایت تھی کہ سعودی وفد کے دورہ پاکستان کے دوران جو ایم او یوز سائن ہوئے ہیں ان پر عملدرآمد کے لیے اقدامات کیے جائیں۔
پاکستانی سفیر نے کہاکہ وزیراعظم پاکستان کی حالیہ دورے کے دوران سعودی عرب کے وزیر سرمایہ کاری سے ملاقات ہوئی ہے جس میں 7 مزید ایم او یوز کی بات سامنے آئی۔
ریاض کلچرل ویک کے حوالے سے پوچھے گئے ایک سوال کے جواب میں انہوں نے کہاکہ سعودی حکومت کی جانب سے یہ خصوصی کاوش ہے کہ جن ممالک کے لوگ یہاں آکر کام کرتے ہیں ان کی خدمات کا اعتراف کیا جائے، اور ان کے کلچر کی عکاسی کی جائے۔
انہوں نے کہاکہ پاکستان کے لیے اس سال 4 دن مختص کیے گئے ہیں، جس میں ہمارے میوزیکل گروپس سمیت کرکٹرز اور کمیونٹی کے لوگ بھی شریک ہوں گے۔
واضح رہے کہ وزیراعظم پاکستان شہباز شریف سعودی عرب کا دورہ مکمل کرکے قطر روانہ ہوگئے ہیں۔
یہ بھی پڑھیں وزیراعظم پاکستان کی سعودی ولی عہد سے ملاقات، پاک سعودی عرب مضبوط اقتصادی شراکت داری کا اعادہ
رپورٹ کے مطابق سعودی عرب کی پاکستان میں سرمایہ کاری کے لیے دستخط شدہ مفاہمتی یادداشتوں و معاہدوں کی تعداد 27 سے بڑھ کر 34 ہوگئی۔ تاہم سعودیہ پاکستان سرمایہ کاری منصوبوں میں سے 5 منصوبوں پر کام شروع ہوکر تیزی سے تکمیل کی جانب گامزن ہے۔
