کاروباری ہفتے کے پہلے روز ڈالر نے ایک بار پھر اڑان بھرنا شروع کردی جبکہ اسٹاک مارکیٹ مندی کا شکار رہی۔
اسٹیٹ بینک کے مطابق کاروباری ہفتے کے پہلے روز انٹربینک میں ڈالر 2 روپے 44 پیسے مہنگا ہونے کے بعد 287 روپے 9 پیسے پر بند ہوا۔
ماہرین کے مطابق ڈالر کی عدم دستیابی کے باعث ڈالر کی قیمت میں تیزی سے اضافہ ہورہا ہے۔
دوسری جانب اسٹاک مارکیٹ میں سرمایہ کار بھی محتاط ہو گئے۔ پاکستان اسٹاک ایکسچینج میں کاروبار کا مندی پر اختتام ہوا۔ ہنڈرڈ انڈیکس 213 پوائنٹس کمی سے 39 ہزار 835 کی سطح پر بند ہوا۔