بلوچستان کے ضلع پنجگور میں 2 گروپوں کے درمیان تصادم سے 3 افراد جاں بحق ہوگئے ہیں۔
پولیس کے مطابق پنجگور میں 2 گرپوں میں تصادم سے 2 سگے بھائیوں سمیت 3افراد جاں بحق 3 زخمی ہوگئے ہیں۔
یہ بھی پڑھیں: دالبندین: جائیداد کا جھگڑا، مسلح تصادم میں 2 افراد جاں بحق
جاں بحق افراد کی لاشوں اور زخمیوں کو اسپتال منتقل کر دیا گیا ہے.
پولیس کے مطابق جاں بحق اور زخمی ہونے والے افراد آپس میں رشتہ دار ہیں، دونوں گروہوں کے درمیان تصادم گذشتہ شب ایک بجے کے قریب ہوا تھا فریقین نے ایک دوسرے پر آتشیں اسلحہ سے حملہ کردیا جس کے نتیجے میں 2 سگے بھائی سفیر ولد حسین علی، مجاہد ولد حسین علی اور حاجی نوید ولد لعل بخش ہلاک ہوگئے جبکہ جمشیر ولد حسین علی، فرید ولد لعل بخش، شہزاد ولد لعل بخش زخمی ہوگئے ہیں۔
یہ بھی پڑھیں: ضلع کرم میں قبائلی جھڑپیں، 6 افراد جاں بحق، متعدد زخمی
پولیس کا کہنا ہے کہ رات گئے مخالفین کے قتل کی یہ واردات انجام دے کر ملزمان فرار ہو گئے، واقعہ سے متعلق تفتیش جاری ہے۔
