سابق وزیر فواد چوہدری کی اہلیہ حبا فواد نے پی ٹی آئی کارکن فلک جاوید کے خلاف ایف آئی اے میں درخواست دائر کردی ہے۔
حبا فواد کی جانب سے ایف آئی اے میں دائر درخواست میں کہا گیا ہے کہ فلک جاوید نے سوشل میڈیا پلیٹ فارم ایکس پر مجھ پر فرضی الزامات اور بہتان لگائے، انھوں نے مجھے دھمکیاں بھی دی ہیں۔
یہ بھی پڑھیں: فلک جاوید کیخلاف درخواست، عدالت کا عظمیٰ بخاری کو ایف آئی اے سے رجوع کا مشورہ
حبا فواد نے درخواست میں مؤقف اختیار کیا ہے کہ فلک جاوید کے الزامات سے میرے شوہر فواد چوہدری کی عزت پامال کرنے کی کوشش کی گئی، سوشل میڈیا پر مجھ پر ذاتی نوعیت کے الزامات لگائے گئے۔
اس کی حرکتیں دیکھو پہلے تو آپ ثابت کریں دنیا میں اکیلی آپ ہی حبہ ہیں اور مجھے معلوم تھا یہ آپ کریں گی آخر FIA گھر کی بات ہے۔۔۔
خیر انصافینز کو آپکی اصلیت تو معلوم ہوئی https://t.co/w8at3jWGNd
— Falak Javaid Khan (@falakjavaidkhan) November 5, 2024
فواد چوہدری کی اہلیہ نے سماجی رابطے کی ویب سائٹ ایکس پر لکھا آپ کو گھر تک چھوڑ کر آنے کا بندوبست کرلیا، میں نے ایف آئی اے میں مقدمہ درج کرنے کی درخواست دائرکردی ہے۔
انہوں نے کہا کہ الزامات ثابت کرو ورنہ عدالتی کارروائی کے لیے تیار ہوجاؤ، ایسے افراد کو سبق سکھانا ہوگا جو پی ٹی آئی کے لیے باعث شرمندگی بن رہے ہیں۔
یہ بھی پڑھیں: فواد چودری کی اہلیہ اور بھائی عدالت میں پھر الجھ پڑے، سخت جملوں کا تبادلہ
دوسری جانب فلک جاوید خان نے حبا فواد کی ایف آئی اے میں درخواست پر ردعمل دیتے ہوئے کہا ہے کہ پہلے ثابت کریں دنیا میں اکیلی آپ ہی حبا ہیں۔ معلوم تھا حبا فواد یہ کریں گی کیونکہ ایف آئی اے ان کے لیے گھر کی بات ہے، جو بھی ہو انصافینز کو حبا فواد کی اصلیت تو معلوم ہوگئی۔
