پاکستان اسٹاک ایکسچینج میں آج کاروبار کے دوران 100 انڈیکس نئی بلند ترین سطح 92 ہزار 966 پر پہنچ گیا۔
پاکستان اسٹاک ایکسچینج میں آج بھی کاروباری دن کا مثبت طریقے سے آغاز ہوا اور 100 انڈیکس نئی تاریخی بلندی پر پہنچا تاہم یہ بعد میں منفی ہو گیا۔
یہ بھی پڑھیں: اسٹاک ایکسچینج: 100 انڈیکس 91 ہزار پوائنٹس کی ریکارڈ سطح سے تجاوز کرگیا
اس وقت پاکستان اسٹاک ایکسچینج کا 100 انڈیکس 117 پوائنٹس کی کمی سے 92 ہزار 841 پر آ گیا ہے۔ گزشتہ روز کاروبار کے اختتام پر 100 انڈیکس 92 ہزار 304 پوائنٹس پر بند ہوا تھا۔
دوسری جانب، انٹر بینک میں امریکی ڈالر کی قدر میں 6 پیسے کا اضافہ ہوا ہے۔ انٹر بینک میں ڈالر 6 پیسے مہنگا ہوکر 277 روپے 90 پیسے کا ہوگیا ہے۔ گزشتہ روز کاروبار کے اختتام پر انٹر بینک میں ڈالر کی قیمت 277 روپے 84 پیسے رہی۔
یہ بھی پڑھیں: 26ویں آئینی ترمیم کے مثبت اثرات، پاکستان اسٹاک مارکیٹ کا نیا ریکارڈ قائم
کاروباری ہفتے کے پہلے روز پاکستان اسٹاک ایکسچینج میں ایک بار پھر مثبت رجحان سامنے آیا تھا، کاروبار کے آغاز پر اسٹاک مارکیٹ میں تیزی ریکارڈ کی گئی اور 100 انڈیکس میں ایک ہزار پوائنٹس سے زائد اضافہ کے بعد پہلی مرتبہ 91 ہزار 800 پوائنٹس کی ریکارڈ سطح پر پہنچ گیا تھا۔
گزشتہ کاروباری ہفتے کے آخری روز پاکستان اسٹاک مارکیٹ میں کاروبار کا اختتام مثبت زون میں ہوا جس کے باعث 100 انڈیکس 1893 پوائنٹس اضافے کے ساتھ 90 ہزار 859 پوائنٹس پر بند ہوا تھا۔
