اسلام آباد میں تھانہ سمبل کے علاقے میں پولیس پارٹی پر فائرنگ کا واقعہ پیش آیا ہے، فائرنگ سے پولیس حراست میں بینک ڈکیتیوں میں ملوث ملزم سلیمان ہلاک ہوگیا۔
یہ بھی پڑھیں: اسلام آباد پولیس کی کارروائی، پبلک پارک میں شہریوں کو لوٹنے والے ملزمان کو دھر لیا
اسلام آباد پولیس کے مطابق تھانہ سمبل کے علاقے میں پولیس ٹیم ملزم کو برآمدگی کے لیے لے کرجارہی تھی کہ گولڑہ موڑ کے قریب موٹرسائیکل پر سوار 3 ملزمان نے اچانک پولیس ٹیم پر فائرنگ کردی۔
تھانہ سمبل کے علاقہ میں پولیس پارٹی پر فائرنگ۔
پولیس ٹیم ملزم کو برآمدگی کے لئے لے کرجارہی تھی۔
گولڑا موڑ کے قریب موٹرسائیکل پر سوار تین ملزمان نے اچانک پولیس ٹیم پر فائرنگ کر دی۔
بلٹ پروف جیکٹس پہننے کی وجہ سے پولیس جوان ملزمان کی فائرنگ سے محفوظ رہے۔
ملزمان کی فائرنگ سے پولیس…— Islamabad Police (@ICT_Police) November 6, 2024
پولیس کا مؤقف ہے کہ بلٹ پروف جیکٹس پہننے کی وجہ سے پولیس جوان ملزمان کی فائرنگ سے محفوظ رہے، ملزمان کی فائرنگ سے پولیس حراست میں موجود ملزم سلیمان شدید زخمی ہوگیا جسے فوری طبی امداد کے لیے اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
یہ بھی پڑھیں: اسلام آباد پولیس کی بڑی کارروائی، لوٹ مار میں ملوث گینگ پکڑا گیا
پولیس کے مطابق ملزم سلیمان حالیہ بنک ڈکیتیوں میں ملوث تھا، پولیس ٹیمیں فائرنگ کرنے والے ملزمان کی گرفتاری کے لئے چھاپے ماررہی ہے۔
