لاہور کے اچھرہ بازار میں پیش آنے والے واقعے سے شہرت پانے والی پنجاب پولیس کی اسسٹنٹ سپرٹنڈنٹ (اے ایس پی) شہر بانو نقوی آئے روز خبروں کی زینت بنتی رہتی ہیں۔ سماجی رابطوں کی ویب سائٹس ہوں یا پھر مین اسٹریم میڈیا کی ہیڈلائنز ، شہربانو نقوی آئے روز صارفین کے نشانے پر ہوتی ہیں۔
سماجی رابطوں کی ویب سائٹ پر شہربانو نقوی ایک بار پھر موضوع بحث بن چکی ہیں ۔ گزشتہ دنوں ان کی کچھ تصاویر وائرل ہوئیں جن میں دیکھا جاسکتا ہے کہ وہ کچھ لوگوں کے سامنے بیٹھی ہوئی ہیں اور تصاویر کے کیپشن میں لکھا ’ مجھے اپنی نوکری بہت پسند ہے ، الحمد اللہ میری پہلی
کھلی کچہری‘
View this post on Instagram
تصاویر وائرل ہوئی تو جہاں صارفین نے ان کی اس عمل کی تعریف کی وہیں کچھ صارفین ایسے بھی تھے جنہوں نے ان کے اس اقدام کو ’ڈرامہ‘ قرار دیتے ہوئے خوب تنقید کا نشانہ بنایا۔ ایک صارف نے تبصرہ کرتے ہوئے لکھا کہ اس ڈرامے کی اگلی قسط کب نشر ہوگی؟
ایک اور صارف نے اے ایس پی شہربانو نقوی کو مسجد میں کچہری لگانے پر تنقید کانشانہ بناتے ہوئے لکھا کہ ’چلو بھائی یہ ایک نیا ڈرامہ آگیا مارکیٹ میں ‘
صارف علی نے طنزیہ تبصرہ کرتے ہوئے لکھا ـ ’ شہربانو نقوی بڑی ہو کر محسن نقوی بنے گی‘
someone said’ shehrbano naqvi bari hokar mohsin naqvi banegi! pic.twitter.com/MXbqmvX3U5
— ALi♡ (@sahibzada_alii) November 8, 2024
واضح رہے کہ اس سے قبل(اے ایس پی) شہر بانو نقوی کو پاکستان کی ویمنز ٹیم کی سربراہ مقرر کیے جانے کی خبریں سامنے آ رہی تھیں جن پر صارفین نے ان کو خوب آڑے ہاتھوں لیا تھا ۔ یاد رہے کہ سیدہ شہر بانو نقوی چیئرمین پی سی بی محسن نقوی کے عبوری وزیراعلیٰ پنجاب کے دور میں اپنے عہدے پر کافی متحرک تھیں۔
شہربانو نقوی کو اس وقت کافی پذیرائی ملی جب رواں سال فروری میں لاہور کے اچھرہ بازار میں مشتعل ہجوم سے ایک خاتون کو بچایا تھا جس نےعربی خطاطی والا لباس پہن رکھا تھا۔
