سیکیورٹی فورسز نے ضلع کیچ کے علاقے بالگتر میں آپریشن کے دوران سرغنہ سمیت 4 دہشتگردوں کو ہلاک کردیا۔
یہ بھی پڑھیں: ’بڑھتی دہشتگردی نے ہمیں بلوچستان سے ہجرت پر مجبور کردیا‘
آئی ایس پی آر کے مطابق دہشتگردوں کی موجودگی کی اطلاع ملنے پر منگل اور بدھ کی درمیانی شب کو کیے گئے اس آپریشن میں فوجیوں اور دہشتگردوں کے درمیان شدید فائرنگ کے تبادلہ ہوا جس کے نتیجے میں ہائی ویلیو ٹارگٹ و دہشت گرد سرغنہ ثنا عرف بارو سمیت 4 دہشت گرد ماردیے گئے۔
ثنا عرف بارو ڈسٹرکٹ کیچ میں نام نہاد مجید بریگیڈ میں دہشتگرد خصوصاً ممکنہ خودکش بمبار بھرتی کروایا کرتا تھا۔ وہ قانون نافذ کرنے والے اداروں کو انتہائی مطلوب تھا۔
مزید پڑھیے: ایرانی مسلح افواج نے دہشتگردوں کے خلاف پاک فوج کے آپریشن کو سراہا
ہلاک دہشت گردوں سے اسلحہ اور گولہ بارود بھی برآمد ہوا ہے۔ علاقے میں پائے جانے والے کسی دوسرے دہشت گرد کو ختم کرنے کے لیے سینی ٹائزیشن آپریشن کیا جا رہا ہے۔
پاکستان کی سیکیورٹی فورسز قوم کے ساتھ مل کر بلوچستان کے امن، استحکام اور ترقی کو سبوتاژ کرنے کی کوششوں کو ناکام بنانے کے لیے پرعزم ہیں۔
