پاک فوج کی ٹیمز دیوسائی میں پھنسے ہوئے مسافروں کو ریسکیو کریں گی، پاک فوج کے دو ہیلی کاپٹرز بھی ریسکیو آپریشن میں حصہ لے رہے ہیں، موسم کی خرابی اور شدید برف باری کے باعث فضائی آپریشن میں مشکلات کا سامنا ہے۔
یہ بھی پڑھیں: کمراٹ، پاک فوج کی جانب سے ریسکیو کیے جانے کے بعد بزرگ سیاح جوڑے کے کیا تاثرات تھے؟
ابتدائی اطلاعات کے مطابق گزشتہ روز 2 گاڑیوں میں سوار 15 مسافر، جو گلتری سے بذریعہ دیوسائی اسکردو جا رہے تھے، شدید برف باری کی وجہ سے دیوسائی میں پھنس گئے تھے اور ان کا زمینی رابطہ بھی منقطع ہوگیا تھا۔
مسافروں کے خاندان اور علاقے کے لوگوں نے پاک فوج سے مدد کی اپیل کی، جس کے بعد فوج نے فوراً فضائی اور زمینی ریسکیو آپریشن شروع کردیا ہے، پاک آرمی کے جوانوں پر مشتمل ٹیم مسافروں کو ریسکیو کرنے کے لیے پیدل روانہ ہوچکی ہے۔
مزید پڑھیں: سوات: چیئر لفٹ میں پھنسے 2 افراد کو بحفاظت نکال لیا گیا
آئی ایس پی آر کے مطابق پاک فوج مشکل کی اس گھڑی میں ہمیشہ کی طرح اپنے لوگوں کےساتھ کھڑی ہے۔
