آسٹریلیا کے خلاف تیسرے اور آخری ٹی20 میچ کے لیے پاکستان ٹیم کی پلیئنگ الیون کا اعلان کردیا گیا، کپتان محمد رضوان تیسرے اور آخری میچ میں آرام کریں گے جبکہ نائب کپتان سلمان علی آغا ٹیم کی قیادت کریں گے۔
پاکستان اور آسٹریلیا کے درمیان 3 میچوں کی سیریز کا تیسرا اور آخری ٹی 20 میچ آج ہوبارٹ میں کھیلا جائے گا، میچ پاکستانی وقت کے مطابق دوپہر ایک بجے شروع ہوگا۔
Pakistan playing XI for the third T20I against Australia 🏏#AUSvPAK | #BackTheBoysInGreen pic.twitter.com/BXwXMmEetM
— Pakistan Cricket (@TheRealPCB) November 18, 2024
آخری میچ میں کپتان محمد رضوان آرام کریں گے جبکہ نائب کپتان سلمان علی آغا ٹیم کی قیادت کریں گے۔ دیگر کھلاڑیوں میں صاحبزادہ فرحان، بابر اعظم، حسیب اللہ اور عثمان خان شامل ہیں، عرفان خان نیازی، عباس آفریدی اور شاہین آفریدی بھی پلیئنگ الیون کا حصہ ہیں جبکہ جہانداد خان، حارث رؤف اور سفیان مقیم بھی آخری میچ کا حصہ ہوں گے۔
مزید پڑھیں: آسٹریلیا کے خلاف دوسرے ٹی20 میں شکست کا ذمہ دار کون؟ محمد رضوان نے بتادیا
واضح رہے کہ تین ٹی20 میچوں کی سیریز میں آسٹریلیا کو 0-2 کی فیصلہ کن برتری حاصل ہے جبکہ دوسرے میچ میں پاکستانی کھلاڑیوں کی ناقص فیلڈنگ اور سلو بیٹنگ شکست کا سبب بنی۔ سابق کپتان بابر اعظم کی کار کردگی بدستور خراب ہے تاہم کپتان رضوان پر امید ہیں کہ تیسرے میچ میں جیت پاکستان کی ہوگی۔
دوسرے ٹی20 میں حارث رؤف نے اہم سنگ میل عبور کیا، میچ میں 4 وکٹیں لینے والے حارث رؤف مشترکہ طور پر پاکستان کی جانب سے ٹی 20 انٹرنیشنلز میں سب سے زیادہ وکٹیں لینے والے بولر بن گئے۔ حارث رؤف نے 72 ٹی20 انٹرنیشنلز میں 107 وکٹیں لی ہیں جبکہ شاداب خان بھی 96 میچز میں 107 وکٹیں لے چکے ہیں۔
