پاکستان کی ڈیفنس انڈسٹری کے فروغ کے لیے وزارت دفاع اور ڈیفینس ایکسپورٹ پروموشن آرگنائزیشن کی جانب سے کراچی میں ’آئیڈیاز‘ کا 12واں ایڈیشن 19 سے 22 نومبر 2024 تک کراچی ایکسپو سینٹر میں منعقد ہوگا۔
یہ بھی پڑھیں:دفاعی نمائش آئیڈیاز 2024 کی سافٹ لانچنگ، غیر ملکی سفارتکار کیا کہتے ہیں؟
ایس آئی ایف سی کا مقصد پاکستان کی دفاعی صنعت کو عالمی سطح پر مستحکم کرنا ہے، یہ نمائش غیر ملکی وفود، حکومتی عہدیداروں اور نمائش کنندگان کے درمیان مؤثر نیٹ ورکنگ فراہم کرتا ہے۔
اس بین الاقوامی نمائش میں جدید اور روایتی دفاعی سازوسامان کا بھرپور مظاہرہ کیا جائے گا جو پاکستان کی صنعتی ترقی کی عکاسی کرتا ہے، دفاعی پیداوار میں اسلحہ، ٹینک، جنگی طیارے، ہیلی کاپٹر، بحری جہاز، آبدوزیں، ڈرون، میزائل، سائبر ڈیفنس، سیٹلائٹ، اور الیکٹرانک وارفیئر سسٹمز شامل ہیں۔
آئیڈیاز 2024 میں ایشیا، مشرق وسطیٰ اور جنوب مغربی ایشیا کے اہم ممالک بالخصوص سعودی عرب، متحدہ عرب امارات، قطر، بحرین، ترکی، ایران، یمن، چین، بھارت، جاپان، ملائیشیا، سنگاپور اور دیگر ممالک شریک ہوں گے۔
مزید پڑھیں:کراچی: 4 روز کے لیے شارع فیصل اور کارساز کے اطراف تعلیمی ادارے بند کرنے کا اعلان
آئیڈیاز کی ٹیم جدید سہولتوں اور سافٹ ویئر کے ذریعے نیٹ ورکنگ کو مؤثر طریقے سے ہم آہنگ کرتی ہے، ایس آئی ایف سی کا مقصد پاکستان کی دفاعی صنعت کو عالمی سطح پر اجاگرکرتے ہوئے قومی سلامتی کو یقینی بنانا ہے۔
