کراچی میں شارع فیصل پر میٹروپول کے قریب ہوٹل میں آگ گئی ہے، آگ بجھانے اور ہوٹل میں موجود افراد کو باہر نکالنے کے لیے ریسکیو آپریشن جاری ہے۔
ریسکیو حکام کے مطابق، ہوٹل میں لگی آگ پر قابو پانے کے لیے فائر بریگیڈ کی مزید 2 گاڑیوں کے علاوہ اسنارکل بھی طلب کرلی گئی ہے۔
یہ بھی پڑھیں: کراچی،پلاسٹک فیکٹری میں لگی آگ بے قابو، ملازمین کو بحفاظت نکال لیا گیا
ریسکیو حکام کا کہنا ہے کہ آگ لگنے سے ہوٹل میں دھواں بھر گیا ہے، ہوٹل میں موجود تمام افراد کو باہر نکالنے کا سلسلہ جاری ہے۔ دوسری جانب، پولیس کی نفری بھی ہوٹل میں موجود ہے اور وہاں موجود افراد کو باہر نکال رہی ہے۔
ہوٹل انتظامیہ نے بتایا ہے کہ آگ ہوٹل کی تیسری منزل پر کمرے میں لگی، جس کے باعث تیسری منزل پر دھواں بھر گیا ہے، ریسکیو اہلکار ہوٹل میں موجود افراد کو باہر نکالنے کے لیے سیڑھی لگا کر کمرے میں داخل ہوئے۔
