بنوں میں نامعلوم مسلح افراد نے گاڑی پر فائرنگ کردی جس کے نتیجے میں قبائلی ملک سمیت 4 افراد جاں بحق ہوگئے۔
ذرائع کے مطابق، واقعہ سین تنگہ وڑیکی جانی خیل میں رونما ہوا ہے، نامعلوم مسلح افراد نے چلتی گاڑی پر فائرنگ کی تھی۔
یہ بھی پڑھیں: بنوں: مسلح افراد کا پولیس چیک پوسٹ پر دھاوا، 7 اہلکار اغوا، ہتھیار اور دیگر سامان بھی لے اڑے
ذرائع کے مطابق، فائرنگ سے جاں بحق ہونے والوں میں ملک شودی خان، عجب خان، اجمل اور ایک خاتون شامل ہیں۔ فائرنگ کے واقعہ میں ایک خاتون اور بچے سمیت 4 افراد زخمی بھی ہوئے ہیں۔
واضح رہے کہ گزشتہ روز بنوں میں مسلح افراد نے پولیس چوکی سے 7 اہلکاروں کو اغوا کرلیا تھا۔ پولیس کے مطابق، مسلح ملزمان کی تعداد 30 سے 40 کے قریب تھی، جو ڈیوٹی پر موجود اہلکاروں سے تمام ہتھیار اور دیگر سامان بھی ساتھ لے گئے۔
