زمبابوے کرکٹ نے پاکستان کے خلاف آئندہ ون ڈے اور ٹی20 سیریز کے لیے قومی کرکٹ ٹیم کا اعلان کر دیا ہے، جو 24 نومبر سے 5 دسمبر کے دوران کوئنز اسپورٹس کلب، بلاوایو میں کھیلی جائیں گی۔
یہ بھی پڑھیں:دورہ آسٹریلیا اور زمبابوے کے لیے پاکستان کرکٹ ٹیم کے اسکواڈ کا اعلان
کریگ ایروِن زمبابوے کے ون ڈے اسکواڈ کی قیادت کریں گے، جس میں سکندر رضا، شان ولیمز، بلیسنگ مزاربانی اور رچرڈ نگروا سمیت تجربہ کار کھلاڑیوں کا مرکب شامل ہے۔
Zimbabwe squads for ODI, T20I series against Pakistan named
Details 🔽https://t.co/U7VhNlrTpf pic.twitter.com/smkdeIDfFn
— Zimbabwe Cricket (@ZimCricketv) November 18, 2024
زمبابوے کی ممکنہ ٹیم کے لیے اعلان کردہ کرکٹرز میں ٹریور گوانڈو، تاشینگا موسیکیوا، اور ٹینوٹینڈا ماپوسا پہلی مرتبہ ٹیم میں شامل کیے گئے ہیں، سیریز میں 24، 26 اور 28 نومبر کو 3 ون ڈے اور اس کے بعد یکم، 3 اور 5 دسمبر 2024 کو 3 ٹی20 میچز کھیلے جائیں گے۔
زمبابوے کے سلیکٹرز کے کنوینر ڈیوڈ مٹینڈرا نے اسکواڈ میں توازن کو اجاگر کرتے ہوئے کہاہےکہ پاکستان کے خلاف سیریز زمبابوے کے لیے ایک اہم پلیٹ فارم ہے۔ ’کریگ، سکندر اور شان جیسے تجربہ کار کھلاڑیوں کی موجودگی ہمیں استحکام فراہم کرتی ہے، جب کہ نوجوان کھلاڑی کھیل کو بدلنے والے لمحات کے لیے توانائی کا باعث بنیں گے۔‘
مزید پڑھیں:زمبابوے میں دلوں پر راج کرنے والے پاکستانی نژاد کرکٹر سکندر رضا کون ہیں؟
زمبابوے کے ٹی20 اسکواڈ میں کوئی تبدیلی نہیں کی گئی ہے، کینیا میں ICC مینز ٹی20 کپ 2026 کے ذیلی علاقائی کوالیفائر میں کامیابی حاصل کرنیوالی ٹیم برقرار رکھی گئی ہے۔
’سکندر رضا اس ٹیم کی قیادت کریں گے، جو پاکستان کو چیلنج کرنے کے لیے اپنی قائم کردہ کیمسٹری پر انحصار کرے گی۔
کینیا میں بہترین کارکردگی کا مظاہرہ کرنے والے اسکواڈ کے ساتھ تسلسل کو یقینی بنانے کے لیے ایروِن، ولیمز، اور جوائے لورڈ گمبی جیسے تجربہ کار کرکٹرز کو ٹی20 اسکواڈ میں شامل نہیں کیا گیا ہے۔
مزید پڑھیں:مایہ ناز پاکستانی اسپنر نعمان علی آئی سی سی پلیئر آف دی منتھ منتخب
زمبابوے کے سلیکٹرز کے سربراہ ڈیوڈ مٹینڈرا کے مطابق ایک ہی ٹی20 اسکواڈ کو برقرار رکھنے سے ٹیم کو اپنی حالیہ کامیابی سے ہم آہنگی اور اعتماد پیدا کرنے کی جذبہ ملتا ہے۔
’زمبابوے پاکستان کیخلاف اس سیریز کو اعلی درجے کی ٹیم کے خلاف اپنی صلاحیتوں کو جانچنے کا موقع سمجھتا ہے۔‘
ڈیوڈ مٹینڈرا نے ٹیم کے امکانات کے بارے میں امید کا اظہار کرتے ہوئے بین الاقوامی سطح پر زمبابوے کی صلاحیت کو دکھانے اور مقابلہ کرنے کے لیے اپنی تیاری پر زور دیا۔
زمبابوے اسکواڈز
ون ڈے اسکواڈ: کریگ اروِن (کپتان)، فراز اکرم، برائن بینیٹ، جوائے لورڈ گمبی، ٹریور گوانڈو، کلائیو مڈانڈے، ٹینوٹینڈا ماپوسا، تادیواناشے مارومانی، برینڈن ماوتا، تاشینگا موسیکیوا، بلیسنگ مزاربانی، ڈیون مائرز، رچرڈ نگروا، سکندر رضا اور شان ولیمز۔
ٹی20 اسکواڈ: سکندر رضا (کپتان)، فراز اکرم، برائن بینیٹ، ریان برل، ٹریور گوانڈو، کلائیو مڈانڈے، ویسلی مادھویرے، ٹینوٹینڈا ماپوسا، تادیواناشے مارومانی، ویلنگٹن مساکڈزا، برینڈن ماوتا، تاشنگا موسیکیوا، بلیسنگ مزاربانی، ڈیون مائرز اور رچرڈ نگروا۔
