آئی سی سی نے نئی ٹی ٹوئنٹی پلیئرز رینکنگ جاری کر دی۔
آئی سی سی کی نئی رینکنگ کے مطابق قومی ٹیم کے کپتان بابر اعظم کی ایک درجہ ترقی ہوئی ہے۔ بابراعظم چوتھے سے تیسرے نمبر پر آگئے۔
آئی سی سی کی جاری کردہ نئی ٹی ٹوئنٹی رینکنگ کے مطابق بھارتی بلے باز سوریا کمار یادیو کی پہلی پوزیشن برقرار ہے، سوریا کمار یادیو ٹی ٹوئنٹی بیٹرز کی رینکنگ میں 906 پوائنٹس کے ساتھ پہلے نمبر پر ہیں۔
پاکستان کے وکٹ کیپر بلے باز محمد رضوان کی ٹی ٹوئنٹی بیٹنگ رینکنگ میں 811 پوائنٹس کے ساتھ دوسری پوزیشن پر براجمان ہیں۔
قومی کرکٹ ٹیم کے کپتان بابر اعظم ایک درجہ ترقی کے بعد ٹی ٹوئنٹی بیٹنگ رینکنگ میں 755 پوائنٹس کے بعد چوتھے سے تیسرے نمبر پر آگئے۔
جنوبی افریقہ کے ایڈن مارکرم ایک درجہ تنزلی کے بعد 748 پوائنٹس کے بعد چوتھے نمبر پر آگئے ہیں۔
آئی سی سی کی ٹی ٹوئنٹی باؤلنگ رینکنگ میں افغانستان کے راشد خان 710 پوائنٹس کے ساتھ پہلی پوزیش پر برقرار ہیں۔ دوسرے نمبر پر 692 پوائنٹس کے ساتھ افغانستان ہی کے فضل الحق فاروقی اور تیسرے نمبر پر 690 پوائنٹس کے ساتھ آسٹریلیا کے جوش ہیزلوڈ شامل ہیں۔
