پاکستان تحریک انصاف کے24 نومبر کو ہونے والے جلسے کے پیش نظر اسلام آباد پولیس سخت اقدامات کررہی ہے، اسلام آباد انتظامیہ نے پی ٹی آئی کے احتجاج کو روکنے کی تیاریاں مکمل کرلی ہیں۔
سوشل میڈیا پر اسلام آباد پولیس کی ایک ویڈیو بھی وائرل ہو رہی ہے جس میں انہیں واک کرتے اور نعرہ تکبیر اللہ و اکبر اور پاکستان زندہ باد کے نعرے لگاتے ہوئے دیکھا جا سکتا ہے، ویڈیو وائرل ہوئی تو پی ٹی آئی کے حامی صارفین نے کہنا شروع کر دیا کہ اسلام آباد پولیس نے پی ٹی آئی احتجاج کے مقابلے میں ریلی نکالی ہے۔
علی عمران عباسی لکھتے ہیں کہ پُر امن احتجاج کا حق ہر کسی کو حاصل ہے، کیا وفاقی پولیس کسی دشمن سے جنگ لڑنے کی تیاری کر رہی ہے؟
کیاوفاقی پولیس کسی دشمن سےجنگ کرنےکی تیاری کررہی ہے؟
کیاپاکستان تحریک انصاف کےلوگ حملہ کرنےآئیں گے؟پرامن احتجاج کاحق ہرکسی کوحاصل ہے۔#PTINewsAlerts pic.twitter.com/h0yxsyUHZA
— Ali Imran Abbasi (@aliimranabbasi) November 20, 2024
صحافی عمران خان نے لکھا کہ بالآخر پولیس نے خود ثابت کر دیا کہ وہ اب ایک سیاسی ونگ سے زیادہ کچھ نہیں۔ اسلام آباد میں کرائم کئی گنا بڑھ گیا مگر انہیں سیاسی جماعت کے خلاف ریلیاں نکالنی ہیں۔
بالآخر پولیس نے خود ثابت کر دیا کہ وہ اب ایک سیاسی ونگ سے زیادہ کچھ نہیں۔ اسلام آباد میں کرائم کئی گنا بڑھ گیا مگر انہیں سیاسی جماعت کے خلاف ریلیاں نکالنی ہیں۔ pic.twitter.com/u7uF0zuOiO
— Imran Khan (@ImranRiazKhan) November 20, 2024
پی ٹی آئی اسلام آباد کے ایکس ہینڈل نے ٹویٹ کرتے ہوئے لکھا کہ ایک طرف اسلام آباد میں جرائم کی شرح تاریخ کی بلند ترین سطح پر پہنچ گئی ہے اور دوسری طرف اسلام آباد کی سیاسی پولیس واک کا ڈرامہ کرکے پی ٹی آئی کارکنان کو دھمکا رہی ہے۔
ان کا مزید کہنا تھا کہ سیاستدانوں کی چادر چاردیواری کی پامالی، اُن کے خاندان پر تشدد اور بے گناہ شہریوں کو ہراساں کرنے سے فرصت ملے تو اپنا اصل کام بھی کر لیں جس کی آپ تنخواہ لیتے ہیں، جرائم کے تدارک کے لیے اقدامات کریں، یوں بلاوجہ بھاگ دوڑ کر اپنا مذاق نہ بنوائیں۔
ایک طرف اسلام آباد میں جرائم کی شرح تاریخ کی بلند ترین سطح پر ہے اور دوسری طرف اسلام آباد کی سیاسی پولیس واک کا ڈرامہ کرکے پی ٹی آئی کارکنان کو دھمکا رہی ہے۔ سیاستدانوں کی چادر چاردیواری کی پامالی، اُنکی فیملیز پر تشدد اور بے گناہ شہریوں کو ہراساں کرنے سے فرصت ملے تو اپنا اصل کام… pic.twitter.com/vaa2fwwwbA
— PTI Islamabad (@PTIOfficialISB) November 20, 2024
انعم شیخ نے اسلام آباد پولیس کی ویڈیو پر تبصرہ کرتے ہوئے لکھا کہ کیا یہ کشمیر فتح کرنے جا رہے ہیں۔
Hahahhhahahahhahah
کیا یہ کشمیر فتح کرنے جا رہے ہیں ؟؟؟؟ 😂— Anum Sheikh (@iAnumSheikh) November 20, 2024
اسلام آباد پولیس نے اپنے آفیشل ایکس (سابقہ ٹویٹر) پر ویڈیو شیئر کرتے ہوئے لکھا کہ اسلام آباد پولیس نے شہر میں امن و امان کے حوالے سے واک کی ہے، واک میں سینئر افسران سمیت، ٹریفک پولیس، ڈولفن سکواڈاور ضلع بھر کے افسران و جوانوں نے شرکت کی اور واک کا مقصد امن و امان کے قیام اور اتحاد و یگانگت کے فروغ کے لیے کے عزم کا اظہار ہے، آخر میں ان کا کہنا تھا کہ اسلام آباد کے امن پسند شہریوں سے امید کرتے ہیں کہ امن و امان کو یقینی بنانے میں پولیس سے مکمل تعاون کریں گے۔
اسلام آباد پولیس کی شہر میں امن و امان کے حوالے سے واک۔
واک میں سینئر افسران سمیت، ٹریفک پولیس، ڈولفن سکواڈاور ضلع بھر کے افسران و جوانوں نے شرکت کی۔
واک کا مقصد امن و امان کے قیام اور اتحاد و یگانگت کے فروغ کے لیے کے عزم کا اظہار ہے،
واک ڈی چوک سے شروع ہوکر چائنا چوک… pic.twitter.com/tmn1TWRoNH
— Islamabad Police (@ICT_Police) November 20, 2024
یاد رہے کہ پاکستان تحریک انصاف نے 24 نومبر کو اسلام آباد میں احتجاج کی کال دے رکھی ہے، پی ٹی آئی رہنماؤں کا کہنا ہے کہ احتجاج کی تیاریاں بھرپور طریقے سے جاری ہیں اور اس مرتبہ تمام مطالبات کی منظوری تک احتجاج ختم نہیں ہوگا۔
