وزیراعلیٰ خیبرپختونخوا علی امین گنڈا پور کے مذاکرات کے لیے حکومت سے رابطے میں ہونے کی تصدیق ہوگئی۔
پی ٹی آئی رہنما اسد قیصر نے وزیراعلیٰ خیبرپختونخوا علی امین گنڈا پور کے حکومت سے مذاکرات کے لیے رابطے کی تصدیق کردی۔
یہ بھی پڑھیں:24نومبر احتجاج: وزارت داخلہ پاکستان نے چیف سیکریٹری خیبرپختونخوا کو اہم مراسلہ لکھ دیا
سابق اسپیکر قومی اسمبلی نے صوابی میں میڈیا سے گفتگو کرتے ہوئے انہوں نے کہا کہ علی امین گنڈاپور سے مذاکرات کے لیے حکومت کا رابطہ ہوا ہے۔
انہوں دعویٰ کیا کہ اہم بات یہ ہےکہ عمران خان نے علی امین کو مذاکرات کی اجازت دی ہے، اب دیکھنا ہے کہ حکومت کتنی سنجیدگی سے اس ایجنڈے کو آگے بڑھاتی ہے۔
پی ٹی آئی رہنما اسد قیصر کے مطابق 24 نومبر کے احتجاج کےلیے ہم نے حکمت عملی تبدیل کی ہوئی ہے، پشاور، مردان، چارسدہ اور نوشہرہ کے کارکنان صوابی سے اسلام آباد جائیں گے، باقی اضلاع کےکارکنان مختلف روٹس سے اسلام آباد کی طرف مارچ کریں گے۔
انہوں نے بشریٰ بی بی کے حوالے سے کہا کہ وہ غیر سیاسی خاتون ہیں جو حکم اور ہدایات ملتی ہے وہ صرف اور صرف بانی پی ٹی آئی سے ملتی ہے۔
یہ بھی پڑھیں:24نومبر احتجاج: اسلام آباد میں انٹرنیٹ، موبائل سروس بند کرنے کا فیصلہ
انہوں نے کہا آپ ہمیں دیوار سے لگائیں گے تو احتجاج کے علاوہ ہمارے پاس کونسا راستہ ہے۔ہم سمجھتے ہیں ملک میں استحکام آنا چاہیے، اس وقت لا اینڈ آرڈر چیلنجز کا سامنا ہے۔
