سماجی رابطے کی ویب سائیٹ انسٹا گرام پر میکسیکو کی مشہور اداکارہ اور فٹنس انسٹرکٹر باربرا دی ریگل کی طیارے میں سفر کے دوران ورزش کرنے کی ویڈیو پر صارفین نے ان کی اس حرکت پر طنز و تنقید کا نشانہ بنایا ہے۔
غیر ملکی خبر رساں ادارے کے مطابق طیارے کو شدید ہچکولوں کا سامنا کرنا پڑا لیکن یہ ہچکولے موسم کی وجہ سے نہیں بلکہ ایک فٹنس انفلوئنسر کی عجیب و غریب حرکت کی وجہ سے تھے، جس نے باقی مسافروں کو حیران اور پریشان کردیا۔ ایک مسافر نے یہ منظر ریکارڈ کرکے آن لائن پوسٹ کر دیا جس پر صارفین نے انہیں آڑے ہاتھوں لیا۔
مزید پڑھیں: عمران خان کی عدالت سے جیل میں ورزش کے لیے ڈمبلز کی فراہمی کی استدعا
باربرا نے بغیر کسی جھجک کے مسافروں کے گزرنے کی تنگ جگہ کو مزید محدود کر دیا اور اپنی ورزش شروع کر دی۔ ویڈیو میں دیکھا جا سکتا ہے کہ وہ پہلے اس راستے پر دوڑتی ہیں اور پھر جمپنگ بھی کررہی ہیں۔ سوشل میڈیا پر ایک صارف نے انہیں ’سال کی سب سے بڑی بے وقوف‘ کا خطاب دیا جبکہ کچھ لوگوں نے ان پر ورزش کی لت کا الزام بھی لگایا۔
View this post on Instagram
باربرا نے تنقید کو خاموشی سے قبول کرنے کے بجائے انسٹاگرام پر اپنا بھرپور دفاع کرتے ہوئے کہا کہ 35 گھنٹے کی پرواز کے دوران وہ صرف تھرومبوسس اور خون کے جمنے سے بچنے کے لیے یہ سب کر رہی تھیں کیونکہ خون کی گردش کو برقرار رکھنا ضروری ہے۔
