بیلاروس کے صدر الیگزینڈر لوکاشینکو آج اسلام آباد پہنچیں گے، بیلاروس کا 75 رکنی وفد اتوار کو اسلام آباد پہنچا تھا۔ وفد میں بیلا روس کے وزیر خارجہ سمیت توانائی، صنعت، عدل و انصاف، مواصلات، قدرتی وسائل کے وزراء، چیئرمین ملٹری انڈسٹری کمیٹی اور 43 بڑی کاروباری شخصیات شامل ہیں۔
محسن نقوی کا کہنا تھا کہ وفد کو اسلام آباد آمد پر خوش آمدید کہتے ہیں، پاکستان کے حکومت، عوام بیلاروس کے صدر الیگزینڈر لوکاشینکو کی آمد کے منتظر ہیں۔ بیلاروس کے صدر کا دورہ دوطرفہ تعلقات کو مزید مضبوط بنانے میں انتہائی اہمیت کا حامل ہے۔
پاکستان بیلاروس کے ساتھ تعلقات کو مختلف شعبوں میں آگے بڑھانے کا خواہاں ہے، دورے سے دونوں ممالک کے درمیان صنعت، تجارت، مختلف شعبوں میں تعاون کو فروغ ملے گا۔
مزید پڑھیں:پاکستان اور بیلا روس کا کثیرالجہتی فورمز پر تعاون جاری رکھنے پر اتفاق
بیلا روس کے صدر الیگزینڈر لوکا شینکو کل سے 27 نومبر تک پاکستان کا سرکاری دورہ کریں گے، دورہ پاکستان کے موقع پر بیلاس روس کے صدر کی وزیراعظم شہباز شریف سے تفصیلی ملاقات ہوگی، دوطرفہ تعاون اور مختلف شعبوں میں تعاون پر تبادلہ خیال کیا جائے گا۔
اس موقع پر پاکستان اور بیلاروس کے درمیان متعدد معاہدوں اور مفاہمت کی یادداشتوں پر دستخط کیے جائیں گے، وزیراعظم شہباز شریف نے صدر الیگزینڈر لوکا شینکو کو دورہ پاکستان کی دعوت دی تھی۔
ترجمان دفتر خارجہ کے مطابق بیلا روس کا وزارتی وفد وزیر خارجہ میکسم رائیزن کوف کی قیادت میں اسلام آباد پہنچا ہے۔ ایئرپورٹ پر ان کا استقبال وزیر داخلہ محسن نقوی، ایڈیشنل فارن سیکریٹری (یورپ) شفقت علی خان اور بیلا روس میں پاکستان کے سفیر سجاد حیدر خان نے کیا تھا۔
