پاکستان اور زمبابوے کے درمیان 3 ون ڈے میچز کی سیریز کے پہلےمیچ میں زمبابوے نے پاکستان کو ڈک ورتھ لوئس میتھڈ کے تحت 80 رنز سے شکست دےکر سیریز میں 1-0 کی برتری حاصل کرلی ہے۔
پاکستان کی اس شکست پر صارفین سیخ پا ہو گئے اور ان کی جانب سے تنقیدی تبصروں کا سلسلہ شروع ہو گیا۔ ایک صارف نے لکھا کہ یہ صرف پاکستانی ٹیم ہی کر سکتی ہے۔
پاکستان زمبابوے کے خلاف 260 رنز کے تعاقب میں ہار کی جانب گامزن
یہ صرف پاکستان ٹیم ہی کر سکتی، آسٹریلیا کو ہرانا اور زمبابوے سے ہارنا pic.twitter.com/OtfoKCboNS— Ahmad Abu Bakar (@AABakar) November 24, 2024
مصطفیٰ نامی صارف نے لکھا کہ پاکستان زمبابوے سے پہلا ون ڈے ہار گیا ہے لیکن محمد رضوان کہہ رہے ہیں کہ میں صرف ٹیم کی ٹیوننگ کروں گا، انہوں نے محمد رضوان کو آڑے ہاتھوں لیتے ہوئے کہا کہ انہوں نے ٹیم کا انجن ہی فیل کر دیا ہے۔
Pakistan lost the first odi against Zimbabwe by 80 runs. This Maulana said I am here only to tune this team. Bc nay puree team ka hee engine fail kardiya ha. #PAKvsZIM pic.twitter.com/b6460Fil53
— Mustafa (@mustafamasood0) November 24, 2024
سلیم خالق نے لکھا کہ پاکستانی بیٹنگ لائن سے تو صرف بابر اعظم ہی آرام کر رہے تھے اور صرف ایک ان کے نہ ہونے سے بیٹنگ کا اتنا برا حال ہو گیا ہے کہ زمبابوے نے ہمیں ہرا دیا، ان کا مزید کہنا تھا کہ بولرز نے تو اپنا کام بخوبی کر دیا تھا پھر بھی ایسی شکست مایوس کن ہے۔
پاکستانی بیٹنگ لائن سے تو صرف بابر اعظم ہی آرام کر رہے تھے،ایک ان کے نہ ہونے سے بیٹنگ کا اتنا برا حال ہو گیا کہ زمبابوے نے ہمیں ہرا دیا،بولرز نے تو اپنا کام بخوبی کر دیا تھا پھر بھی ایسی شکست مایوس کن ہے
— Saleem Khaliq (@saleemkhaliq) November 24, 2024
آصف کیانی لکھتے ہیں کہ کوئی محسن نقوی کو یہ بھیج دو پاکستان کرکٹ ٹیم زمبابوے سے بھی ہار گئی ہے اور وہ نہتے لوگوں پر ظلم کروا رہے ہیں۔
کوئی محسن نقوی کو یہ بھیج دو پاکستان کرکٹ ٹیم زمبابوے سے بھی ذلیل ہو کر ہار گئی ہے اور یہ ادھر نہتے لوگوں پر ظلم کروا رہا ہے pic.twitter.com/tS7lJN69tp
— Asif Khan Ahmdani (@Asifspeaks2) November 24, 2024
ایک صارف نے کہا کہ پاکستان بابر اعظم کے بغیر زمبابوے سے ایک میچ ہار گیا ہے، انہوں نے بابر اعظم کی ایک میم شیئر کی جس میں سابق کپتان سوال کر رہے ہیں کہ زمبابوے سے شکست بھی میری غلطی ہے؟
Pakistan lost a match to Zimbabwe without Babar.
Now babar be like: pic.twitter.com/voSYmKFuSS
— Huzaifa (@Huzaifa_Says11) November 24, 2024
ڈک ورتھ لوئس میتھڈ (ڈی ایل ایس) کیا ہے اور یہ کیسے کام کرتا ہے؟
بنیادی طور پر ڈک ورتھ لوئس اسٹرن ایک ایسا طریقہ کار ہے جس میں ون ڈے انٹرنیشنل یا ٹی20 انٹرنیشنل کرکٹ میں بارش سے متاثرہ میچوں میں ایک فارمولے کے تحت نظرثانی شدہ ہدف دیا جاتا ہے۔
بنیادی طور پر اس فارمولے میں ہدف دیتے ہوئے وقت کا تعین کیا جاتا ہے اور اس کے بعد دونوں ٹیموں کے پاس موجود وکٹیں اور رنز کا تعین کرکے ایک فارمولے کے تحت نیا ہدف مقرر کیا جاتا ہے جس میں اوورز محدود کردیے جاتے ہیں اور کچھ رنز بھی کم کردیے جاتے ہیں، جیسے جیسے کھیل آگے بڑھتا ہے، DLS طریقہ استعمال شدہ گیندوں اور وکٹوں کی تعداد کی بنیاد پرباقی وسائل کے فیصد کا حساب لگاتا ہے۔
