پاکستان پیپلز پارٹی (پی پی پی) کی نائب صدر شیری رحمان نے مبینہ شرپسندوں کے ہاتھوں رینجرز اور پولیس اہلکاروں کی شہادت کی مذمت کی ہے۔
یہ بھی پڑھیں:4 رینجرز اہلکاروں کی شہادت کے بعد اسلام آباد میں فوج طلب، شرپسندوں کو دیکھتے ہی گولی مارنے کا حکم
پیپلز پارٹی کی رہنما نے کہا کہ 9 مئی کے کرداروں کا چہرہ ایک بار پھر واضح ہو گیا ہے، ایک شخص کو رہا کرنے کے لیے اس حد تک جانے سے ان کے مذموم عزائم ظاہر ہوتے ہیں۔
انہوں نے کہا کہ نام نہاد پرامن احتجاج کے نام پر میڈیا کے نمائندوں پر تشدد اور گاڑیوں کی توڑ پھوڑ بھی قابل مذمت ہے۔ سیاسی مقاصد کے حصول کے لیے ملک کی ترقی، امن اور سلامتی کو داؤ پر لگایا جا رہا ہے۔
مزید پڑھیں پی ٹی آئی نے دھرنے کے لیے جگہ دینے کی پیشکش مسترد کردی، مذاکرات میں ڈیڈلاک
شیری رحمان نے شہید ہونے والے سیکیورٹی اہلکاروں کو خراج عقیدت پیش کرتے ہوئے مطالبہ کیا کہ رینجرز اور پولیس اہلکاروں کی شہادت میں ملوث عناصر کو انصاف کے کٹہرے میں لایا جائے۔
