وزیراعظم پاکستان شہباز شریف ون واٹر سمٹ میں شرکت کے لیے 2 روزہ دورے پر سعودی عرب پہنچ گئے۔
سعودی عرب کے شہر ریاض پہنچنے پر ریاض کے نائب گورنر شہزادہ محمد بن عبدالرحمان بن عبد العزیز نے وزیراعظم کا کنگ خالد انٹرنیشنل ایئرپورٹ پر استقبال کیا۔
یہ بھی پڑھیں وزیراعظم شہباز شریف کا ’ون واٹر سمٹ‘ میں شرکت کے لیے دورہ سعودی عرب کا اعلان
اس موقع پر پاکستان کے سعودی عرب میں سفیر احمد فاروق، پاکستانی و سعودی اعلیٰ حکام بھی موجود تھے۔
وزیر اطلاعات و نشریات عطااللہ تارڑ اور وزیراعظم کے معاون خصوصی طارق فاطمی بھی شہباز شریف کے ہمراہ ہیں۔
یہ بھی پڑھیں پاکستان میں عالمی معیار کی انسداد فسادات فورس تشکیل دی جائے گی، وزیراعظم شہباز شریف
وزیراعظم شہباز شریف سعودی عرب، فرانس، قزاقستان اور عالمی بینک کے اشتراک سے منعقدہ ون واٹر سربراہی اجلاس میں شرکت کریں گے اور خطاب بھی کریں گے۔
