ایف آئی اے امیگریشن کی کراچی ایئرپورٹ پر بڑی کارروائی، عمرے کی آڑ میں گداگری میں ملوث 3 خواتین مسافر گرفتار
ایف آئی اے امیگریشن نے کراچی ایئرپورٹ پر ایک کارروائی کے دوران عمرے کی آڑ میں سعودی عرب میں گداگری ملوث 3 خواتین مسافروں گرفتار کرلیا ہے۔
یہ بھی پڑھیں:ایف آئی اے کی کارروائی، سنار سے کروڑوں روپے کی امریکی کرنسی برآمد
مسافر خواتین کی شناخت عروج فاطمہ، مریم نذیر اور جمیلہ بی بی کے نام سے ہوئی ہے۔ گرفتار خواتین نے عمرے کی آڑ میں گداگری کی غرض سے سعودی عرب جانے کی کوشش کر رہی تھیں۔
ترجمان ایف آئی اے کے مطابق مسافر خواتین کو امیگریشن کلئیرنس کے دوران مشکوک پایا گیا، گرفتار خواتین کے پاس واپسی کی ٹکٹ اور ہوٹل بکنگ موجود نہیں تھی۔
ترجمان ایف آئی اے کے مطابق گرفتار خواتین کے پاس عمرہ کی ادائیگی کے لیے درکار ضروری رقم بھی ناکافی تھی۔ ان خواتین کو اس سے قبل لاہور ایئرپورٹ سے بھی آف لوڈ کیا گیا تھا۔
یہ بھی پڑھیں:خفیہ بینک اکاؤنٹس اور رقم کی واپسی کا کیس، ایف آئی اے اور ایف بی آر سے رپورٹ طلب
ترجمان ایف آئی اے کے مطابق گرفتار مسافر خواتین کو مزید قانونی کاروائی کے لیے انسدادِ انسانی سمگلنگ سرکل کراچی منتقل کر دیا گیا ہے۔مزید تفتیش جاری ہے۔
