وزیر اعلیٰ پنجاب مریم نواز شریف چین کی کمیونسٹ پارٹی کی دعوت پر 8 روزہ سرکاری دورے پر وفد کے ہمراہ چین میں موجود ہیں۔ اس دورے میں انفارمیشن ٹیکنالوجی، میڈیکل، انڈسٹری، اسموگ اور موسمیاتی تبدیلی کے امور پر باہمی اشتراک کار کا جائزہ لیا جائے گا۔
رپورٹس کے مطابق مریم نواز کمیونسٹ پارٹی کی دعوت پر چین کا دورہ کرنے والی پہلی خاتون وزیراعلیٰ ہیں، اس پر انہیں سوشل میڈیا پر بھی سراہا جا رہا ہے۔ وزیراعلیٰ پنجاب کی معاون خصوصی ثانیہ عاشق نے سماجی رابطے کے پلیٹ فارم ’ایکس‘ پر پوسٹ کرتے ہوئے کہا کہ مریم نواز چین کا دورہ کرنے والی پہلی خاتون وزیراعلیٰ بن گئی ہیں۔
Maryam Nawaz becomes the first Pakistani female Chief Minister to visit China ❤️ pic.twitter.com/YqBvWlkdj9
— Sania Ashiq (@SaniaaAshiq) December 8, 2024
سعد قیصر نامی صارف نے ویڈیو شیئر کرتے ہوئے لکھا کہ پاکستان کی پہلی خاتون وزیراعلیٰ چین میں ہیں اور یہ کتنا قابلِ فخر لمحہ ہے۔ انہوں نے مزید کہا کہ ایسا لگ رہا ہے کہ مریم نواز چین کی وزیراعلیٰ ہیں۔ مریم نواز حالات کا جائزہ لے رہی ہیں اور چینی بھائی انہیں بریفنگ دے کر پروٹوکول بڑھا رہے ہیں۔
Here, it looks like Maryam Nawaz is the Chief Minister of China, given the way @MaryamNSharif is analyzing the situation and our Chinese brothers are briefing her and extending protocol! 😂 Pakistan’s first-ever female CM in China. What a proud moment! #CMMaryamInChina 🇨🇳🇵🇰 pic.twitter.com/mhWg5jDRAO
— Saad Kaiser 🇵🇰 (@TheSaadKaiser) December 9, 2024
ایک صارف نے مریم نواز کے دورہ چین کو سراہتے ہوئے لکھا کہ مریم نواز کا بین الاقوامی لیڈر بننے کا سفر شروع ہوگیا ہے۔
Maryam’s journey to becoming an international leader has begun 👸
🇵🇰🇨🇳 pic.twitter.com/aNVzgHov7B— Sheheryar (@sheheryaaryaar) December 8, 2024
ایک ایکس صارف نے چین میں مریم نواز کی ملاقاتوں پر طنز کرتے ہوئے لکھا کہ مریم نواز کا چین پہنچنے پر چنگ ینگ نے شاندار استقبال کیا، چنگ ینگ اپنی گلی کے معروف بزنس مین ہیں۔
مریم نواز کا چین پہنچنے پر چنگ ینگ نے شاندار استقبال کیا
چنگ ینگ اپنی گلی کے معروف بزنس مین ہیں pic.twitter.com/B3QSGn0hyw— Waqar khan (@Waqarkhan123) December 8, 2024
واضح رہے کہ سینیٹر پرویز رشید، سینئر وزیر پنجاب مریم اورنگزیب، وزیر اطلاعات و ثقافت عظمیٰ بخاری، وزرا بلال اکبر، عاشق کرمانی اور دیگر بھی مریم نواز کے ہمراہ ہیں۔
چین کے وزیراعظم لی چیانگ اکتوبر میں ہونے والے شنگھائی تعاون کونسل (ایس سی او) کے سربراہی اجلاس میں شرکت کے لیے 4 روزہ دورے پر اسلام آباد آئے تھے، یہ کسی بھی چینی وزیراعظم کا 11 سال بعد پاکستان کا پہلا دورہ تھا۔
