سردیوں میں گیس کن اوقات میں دستیاب ہوگی؟ شیڈول جاری

سردی کی شدد میں اضافے کے ساتھ ہی سوئی ناردرن گیس گھریلو صارفین کو گیس کی فراہمی کا شیڈول جاری کر دیا۔

ٹھنڈ کی شدت کے ساتھ گیس کی طلب میں ہونے والے اضافے کے پیش نظر سوئی ناردرن گیس پائپ لائنز لمیٹڈ (SNGPL) نے گیس کی طلب اور رسد کو دیکھتے ہوئے موسم سرما کے لیے گیس فراہمی کا شیڈول جاری کر دیا ہے۔

یہ بھی پڑھیں:او جی ڈی سی ایل نے لکی مروت میں گیس اور کنڈینسیٹ کے نئے ذخائر دریافت کرلیے

ایس این جی پی ایل کی جانب سے جاری شیڈول کے مطابق گھریلو صارفین کو دن بھر میں 3 مختلف اوقات میں گیس فراہم کی جائے گی۔

محکمے کے اس اقدام کا مقصد گھریلو صارفین کو اپنے روزمرہ کے کام، خاص طور پر کھانا پکانے کے حوالے سے سہولت فراہم کرنا ہے۔

گیس فراہمی کے اوقات:

گھریلو صارفین کو گیس صبح 6 بجے سے 9 بجے تک، دوپہر 12 بجے سے 2 بجے تک اور شام 6 بجے سے  شب 9 بجے تک فراہم کی جائیگی۔

یہ بھی پڑھیں:’گیس مہنگی کرو‘، آئی ایم ایف نے پاکستان کو ڈیڈ لائن دیدی

میڈیا رپورٹ کے مطابق گیس فراہمی کے اوقات میں یہ تبدیلی حکومت کی ہدایات پر عمل میں آئی ہے۔