قومی کرکٹ ٹیم کے سابق کپتان شاہد آفریدی آف روڈ ریلی دیکھنے جھل مگسی کے ٹریک پر پہنچ گئے۔ جہاں سابق کپتان کے مداحوں اور روڈ ریلی کے شائقین نے انہیں گھیرلیا۔
شاہد آفریدی سے پوچھا گیا کہ کیا سابق کپتان نے ایک اور کھیل کا کھلاڑی بننے کی تیاری پکڑلی؟ اس سوال پر شاہد آفریدی نے کہا کہ کل ٹریک دیکھوں گا، اگر لگا کہ اس پر گاڑی چلا سکتا ہوں تو ریس میں ضرور حصہ لوں گا، میں جھل مگسی میں ہونے والی ریس کے لیے پُرجوش ہوں۔
مزید پڑھیں: تھر جیپ ریلی سے : جنگلی حیات کو خطرہ
واضح رہے کہ گزشتہ روز جھل مگسی ڈیزرٹ چیلنج جیپ ریلی کا کوالیفائنگ راؤنڈ مکمل ہوگیا تھا۔ کوالیفائنگ راؤنڈ میں 64 گاڑیاں شامل تھیں، جبکہ 4 خواتین ڈرائیورز نے بھی ریس میں حصہ لیا۔
جھل مگسی ڈیزرٹ چیلنج جیپ ریلی میں مشکل ٹریک پر ڈرائیورز نے سپیڈ اور کنٹرول کا شاندار مظاہرہ کیا۔ اس بار ریس کی خاص بات یہ ہے کہ جیپ ریلی میں ایران کے ریسرز بھی حصہ لے رہے ہیں۔
