قومی اسمبلی میں پیش کیا گیا نیب آرڈیننس 1999 میں مزید ترمیم کا بل 2023 متفقہ طور پر منظور کرلیا گیا ہے۔
نیب آرڈیننس 1999 میں مزید ترمیم کا بل 2023 وزیر قانون اعظم نذیر تارڑ کی جانب سے پیش کیا گیا۔
قومی اسمبلی کا آج کا اجلاس شروع ہوتے ہی معمول کی کارروائی معطل کرنے کی تحریک پیش کی گئی جسے منظور کیا گیا۔
اس کے بعد وزیر قانون اعظم نذیر تارڑ نے قومی اسمبلی میں نیب آرڈیننس 1999 میں مزید ترمیم کا بل 2023 پیش کیا جو کہ متفقہ طور پر منظور کرلیا گیا۔
اس کے علاوہ قومی اسمبلی میں مجموعہ ضابطہ فوجداری 1908 میں مزید ترمیم کا بل بھی منظور کیا گیا ہے۔
قومی اسمبلی نے سپریم کورٹ کے دیامر بھاشا ڈیم فنڈ میں جمع 16 ارب سے زائد رقم سیلاب متاثرین اور سیلاب زدہ علاقوں کی بحالی پر خرچ کرنے کی قرارداد بھی منظور کر لی ہے۔
